Lourdes Siangpahrang nu Nu Mary

Our Lady of Lourdes

February, 11

(Lourdes Siangpahrang nu Nu Mary)OUR LADY OF LOURDES(1858) 

            St. Bernadette Soviras cu France ram, Lourdes khua, kum 1844 ah mi sifak chungkhar nih an hrin. 1858 kum, 11 February ni ah a hawinu pahnih hna he (the Gave River) tiva hor ah thingro khawmh dingin an kal hna. Masa Ville lungkua an phak tik ah a hawi nu pahnih nih Bernadette kha an tlik tak. Ruah lo piin thlifak hran thawng a hun thang i lungkua chung vialte kha ceunak in a khat dih. Cunglei a cau i a zoh tikah Angkifual rang cungah a dummi tairek he Rosary aa thlaih pah mi nu pakhat cu a kehram ah Hninsi par pahnih he a rak hmuh. Bernadette cu vailamtah hmelchunhnak i tuah aa zuam nain a therpah caah a tuah kho lo. Angkifual rang aa hrukmi nu nih khan Bernadette kha rak mirh i Rosary thlacam dingah a rak sawm.

            Nithum (3) a liam hnuah Bernadette cu lungkua lei akal `han tikah Angki rang aa hrukmi nu cu a rak lang`han. Amah nu nih Bernadette kha ni (6) chung bakte misual hna an nunzia i thlenawk le cu hmunah Biakinn fate sakpiak ding kha Siangbawi hna sinah chimhpiak awk bia a cah. Cun, cuhmun pawng i tiva te i khuaruahhar `hawnnak a ngeimi ti kha din awkah a rak fial. Bernadette cu ni (15) chung cuka hmun ahcun a vakal tikah minung a thongtampi nih an rak zulh; nain pakhat te hmanh cu langhnak a hmu khotu an um lo. Bernadette nih cu nu i a min kha a hal tik ah “Kei cu sualhram ngei loin a sem mi Nu ka si,” tiah a rak ti.

            AD 1866 kum ah Nervas khua, “Zaangfahnak Sister Sianginn” ah a rak lut. Amah he a um `imi a hawi hna nih, toidor te le pumpek in a umthiamnak kha an upat ngai te. Nikhat cu a hawile nih langhnak a hmuhnak kong an hal i Bernadette nih, “Nu Mary nih keimah kha hmunthur thianhnak hmunphiah bantuk in a rak ka hman;” tiah a rak leh hna. 1879 kum amah (35) a si ah a thiangmi Rosary in thla a cam liopi ah Bernadette cu a rak thi. Kum 1980 kum ahcun amah pum rawk loin a umnak le a hmurte cu vancung ram lawmhnak pangpar a par kha an hmuh. 1933 kum ah Pope Pios nih mithiang sinak arak pek. Kum fatein minung thongtampi hna cu thlacam ding le khuaruahhar ti din awkah le Pathian sinin Pumsa le thlarau caah vel thluachuah hmuh awkah Lourdes khua ah an kal lengmang.

Add new comment

1 + 2 =

Please wait while the page is loading