Mithiang John 1

May, 18

PAKHATNAK ST. JOHN (POPE) (+526)

            Pope Siangpahrang Johan pakhatnak cu Italy ram Tuscany khua ah a chuak. A hmet tein Rome phungki pawl sinah a lut ve. Kum 523 kum ah khan Deacon a si lioah Pope Siangpahrang sinak ah an thim. Cu hnu a rauh hlanah Italy, Theodoric i tan a mat in Constantinople impire (uktu) Grestine ah a va leng. Siangpahrang nih amah a hnu zul pawl Asian miphun hna kha, thleidan in a chawnhbiaknak hna chungin khawmh awk lungthin (duhnak) a ngei.

Constantinople ah a ummi, minung hna nih Pope kha lungtho tein an don i an biakchawnh. Pope nih cun Italy Khrihfa hna kha lehrulh nak tuah ti loawk le lungput pakhat lawng a lomi uktu (impire) i tuahsernak hna kha `humhdeuh awk caah uktubawi kha a forh i a hnamh. Asinain pehtlaihnak ah Theodorie a lung a tling lo i Pope cungah zumh lonak lungthin a ngei. Kum 526 kum ah, amah a rak kir `han tikah Ravenna khua i a um mi thong chungah an thlak. Hremnak le an tukvelhnak ruangah ni tlawmpal ah cu thongchung ahcun a thi. Mithiang John I cu Tuscany ah a chuak i kum (525) ah Pope ah an rak thim.

Culio caan ah cun Biak nak lei le Ram khel pawl karlak ah i rem lo nak a um lio caan te a rak si. Khrihfa biak nak a si lo mi, Theodoric the Ostrogoth nih Italy a rak uk lio a si. A kut tang mi hna cu Catholic zumtu pawl an rak si. Pope John I cu daihnak le remnak tuah tu ding, Lamkaltu ah an rak thlah. Mah a rain`uan mi cu Italy uktu, Theodoric nih lunghrinh nak le zumh lo nak a ngeih ruang ah thong a rak thlak. An hrem i thonginn a phak nak caan a sau hlan ah a thi colh.