Mithiang Ramond

January, 7

ST. RAYMOND OF PENYAFORT

(Siangbawi 1175-1275)

            Dominican phu i pathumnak Bishop a simi St. Raymond cu kum 1175, Spain ram, Penya khua mi phunsang chungkhar in a rak chuak. A thluak a `thattuk caah kum 20 te a si lio tein Bercelona khua ah khuaruah thiamnak subject kha a rak cawnpiak hna. Kum (30) a si ah Bupi upadi (Canon law) cu tazaamah upadi hna in thiamsang Dr. degree laak dingah Bolotina khua ah a rak kal. Mi sifak hna cungah a ngeihmi lungthin peknak, pek siannak le zawnruahnak, dawtnak, zohchunh awktlak a si bantukin Basilona Bishop bawmtu Deacon sinak kha kum 1219 ah an rak pek. Kumthum a rauhhnu ah Dominican phu ah a lut i Judah mi phun lungthlennak caah a rak i zuam thawk. Muslim kuttang i thawngtla hna kha tangka pekin tlanhnak caah “Luatnak Bawinu phu” kha St. Petani Lesco he i bawmh in an rak dirh. Hilio caan ahhin St. Raymond cu Canon upadi caukpi uknga kha a rak `tial rih. Mi sifak hna nih an rak hal mi kha sual dantatnak caah inpiak dingin Pope kha a rak hal.

            AD 1238 kum ah Dominican phu i uktu pathumnak ah an rak thim. A phu hna sinah a ke in a va leng tawn hna; Thlarau Lei a tuurun hna kha zulh phungning in umnak, ca lei duhnak le lamkaltu nunnak hna kha duhthiamnak lungthin a khumh piak hna. A caan hmanungbik hna kha zumhnak a palhmi hna dohnak, Spain ram i Muslim hna an lung an rak i thlen `thannak hnga tuahnak hna in a hman. St. Raymond cu kum 100 a tlinnak kum 1275 ah a thi.

Add new comment

1 + 11 =

Please wait while the page is loading