ST. PAUL MIKI & COMPANIONS (+1597) Martyrs

February, 6
ST. PAUL MIKI & COMPANIONS (+1597) Martyrs
(St. Paul Miki le a hawi hna)
Japan ram in hmasabik mithiang a si mi St. Paul Miki cu 1564 kum ah a chuak. A ngakchiat tein Jesuit bu ah a lut i Bible kha tei ngaiin a chim khawh. Japan ram ah hin kum (50) tuandeuh in Khrihfa thahri a rak bunh cang caah zumtu 2 million an um cang. Kum 1588 ah Siangpahrang Kanpa Kuadono cu keimah lawng Siangpahrang ka si tiah a thanh i Khrihfa phungchim (mission) hna kha thla (6) chungah an ram cio ah kir dih dingin nawl a rak chuah. Missionary tam pi hna cu an kir ko nain Brother Paul Miki le a hawi cheukhat hna tu cu a thlithup in an tang. 1597 kum ah Br. Paul Miki le a hawi (25) hna kha ralkap nih an hmuh hna caah an rak tlaih hna. Nakasaki khua tiang khuapi tampi tan in an rak hruai hna i lamthluan ah an hna tannak, sersat zawmtaihnak hna kha an in. An zapi tein vailamtah cungah an ṭem chih hna i an hngawng ah thir aa helmi an bunhpiak hna. An ral ṭhatzia kha a hmu mi hna nih an khuaruah a harngai. St. Paul Miki le a hawi hna cu Pathian ṭhawnnak kha Salm hla in an thangṭhat hnu ah “Bawipa na kut chungah kan pum le kan thlarau kanin chanh,” tiah an ti. Br. Paul Miki cu a sunglawi bikmi Vailam cungin mi hna kha, “Keimah cu Japan ah ka chuak i Jesuit bu ah kawhauhnak ka hmuh. Khrih Thawngṭhabia caah ka thi cang lai. Siangpahrang le ka nunnak ral a ka ser mi hna kha ka ngaihthiam hna. An zapi in tipilnak an in i Khrihfa an sinak hnga kan nawl” tiah a chim tak. Cu hnu ah kutsum lo mithattu pa li (4) hna cu an vainam an chuah i an zapi in caan tawite chungah an thah dih hna. “Jesuh, Mary … thlacamnak kha cat loin cam caanah an hmai cu daidup tein an rakum. Cu Japan ram martyr hna cu AD 1862 kum ah mithiang sinak an rak pek hna.