ST. SCHOLASTICA

February, 10

ST. SCHOLASTICA (480-547) Nungakthiang

            St. Benidict nau nu St. Scholastica cu Italy ram, Nasia khua ah kum 480 ah a chuak. A u Benidict cu monter Casino lei a kal lioah khan amah cu Palonbarona khua pawngah Sister bu hna kha a rak uk hna. A u Benidict Zateik Sianginn pawng i inn fate ah ku khat voikhat a va leng tawn. Nikhat, zanriah a ei hnu ah, St. Scholastica cu a u he chitkhat bia i ruah dingin a sawm nain a u Benidict nih a rak duh lo. Cu caah a kut pahnih komh in Pathian sinah thlacam bawmhnak ahal tikah thlichia fakngai in a rak tlak caah St. Benidict le a hawi hna cu Zateik Sianginn ah an kir kho ti lo. St. Benidict nih, “Ka nau nu, zeidah na tuah? Pathian nih in ngaihthiam ko seh” tiah a ti tikah, a nau nu nih, “Ka u pa, kan nawlnak na al caah Pathian sin bawmh ka hal a ti. Pathian nih ka nau nu na halmi thil kha an pek,” tiah a leh. St. Benidict cu a nau nu St. Scholastica he zankhuadei “Zungzal nunuamhnak le a sunglawimi thil hna kong” an i ruah. A thaizing khua dei hnu lawngah zateik Sianginn ah a `in.

            Nithum a rauh tikah St. Scholastica cu a thi. Culio ah Benidict cu a khan chungah thla a cam lio a si i a mit a au tikahcun a nau nu thlarau cu thuro bangvanah a zuang mi kha a hmuh Pathian sin ah lawmhnak bia a chim hnu ah a nau nu ruak kha zateik cheukhat a lak ter hna i zateik Sianginn ah a chiahter hna. Kum 547 ah St. Scholastica  cu a rak thi i a hnu a rauh hlan ah St. Benidict zong a rak thi ve.

Pho:credit to original uploader

Add new comment

2 + 9 =

Please wait while the page is loading