Sri Lanka um Catholic Khrihfa hna nih April 19, 2019 Thawhtthan lio i bomh a puahtu phu hna cungah ngaihthiamnak thawng an thanh. Cu bomh puahnak ah cun ramdang mi 37 le ramchungmi a tlawmbik minung 259 tluk an rak thi i minung 500 fakpiin hma an rak hmu.

Cardinal Malcolm Ranjith, archbishop of Colombo, nih : “An sual palhnak kan ngaihthiam hna” tiah April 12, 2020 Bawipa Thawhthan ni zarhpini ah a chim tiin Vatican News in kan theih.

An ram chungah Catholic Khrihfa hna hi mitlawm an si. Kan Bawipa Jesuh Khrih thawngtha  ah fek tein i tlaih in Lehrul chamduhnak lungthin le tukvelh than duhnak lungthin ngeih lo ding zong a chimchap.

“Kan rawhralnak lam a kawltu kan ral hna cungah kan dawt hna nak kan langhter ko,” tiin an ram i Catholic Khrihfa hna a hruaitu nih Thawhthan Missa thawinak ah online in a chim.

“Kan hua hna loh, lehrul zong kan cham hna lai lo. Kan Bawipa a Thawhthan nak cu mah zawn lawng ruahnak lungthin ngieh he aa pial kalh mi a si” ti zongin a chim rih.

Kan hnu kum Thawhthan zarhpi ni i bomh a rak puah tu hna hi pakua tluk an rak si. Catholic biakinn pahnih, Evangelical biakinn pakhat, le hotel pathum a si.

“Kan Bawipa Jesuh Khrih cawnpiak ning zulh in bomh a puahtu hna hi kan ngaihthiam ko hna, an cungah zangfahnak zong kan ngei, a dawt zong kan dawt ve ko hna.”

“Hi bantuk thihnak ah hin Catholic Khrihfa hna lawng si loin, Buddhists, Hindus le Muslims pawl zong an i tel ve” tiin Cardinal nih a chim.

A tang link in relchap khawh a si.

https://bit.ly/3clbZ4Y

https://bit.ly/2KcdiXz