Media `Thanthnemnak le A Chiatnak

Thawngzamhnak

THAWNGZAM MEDIA HNA `THATHNEMNAK LE A CHIATNAK
47.    Cuhleiah tuchan ahhin mizapi pehtlaihnak ningcang thawngzam media hna i ruahnak nih a khuhchilh mi chan ah computer, internet, kutthlaih phone hna kha hmun zakip ah kan hmuh. Thawngzamhnak media hna khuhchilh ruahnak ruangah biapi ngaiin pumpak ruahnak, khuaruah tuahtan in hmuhchungnak he khuasak duhnak, siangngai le dawhtein umnak hna an tlaucang.

Thawngzamhnak media hna hi zawnruahnak nunphung rothil hna a `thihtu thil hna tiin hmuhlo in a `thami nunphung tuahtawn ningkeel hna `thanchonak caah bawmhchanhtu thilri hna asinak hnga caah zuam in rian`tuan awk a ra herh cang.

Adik ahmaan mi fimnak cu mah pumpak kha cekhlat tuahnak, minung le minung karlak lungthiang ngaiin ceihmai khuakhang `tinak hna in hmuhkhawh asi i, media sinin hmuhmi a konglam tampi aa ponnak in hmuhkhawh asi lailo. Hi a konglam hna, ruahnak hna cu a caancaan ah phawrhkhawh lomi phurrit ah a cang i thinlung a tuaitam ter i thinlung ah a chuakmi pawngkam thurhnawmnak phunkhat asi tiah kan tikhawh.

Minung le minung ikomhnak ah zuamcawhnak hna an umlai nain adik a`thami hawikomhnak a hmuhter. Asinain tuchan ah minung khat le khat i komhnak kha mahleikap nih lung duhmi thimduh ahcun ithim in thim duhlo hlonh duh ahcun hlonh khawhnak thazaang a pemi internet hawikomhnak in an airawlh cang.

Cuticun minung hna cu pakhat le pakhat hawikomhnak le kokek vawlei he itonnak umlo in seh awngnak hna, TV le kuttlai phone hna in thlalang hmai hna he rian tuaitamnak kha hrambunh mi hlankan khuaruat cohlannak thar hna kha a chuahter.

Tuchan ahcun pehtlainak thilri hna cu minung khat le khat pehtlaihnak, mah i thiehhngalh fimnak, thiehhngalhnak hna, remhter duhmi thawngpang hna ruah`tinak le dawt tlaihchannak serding ah tampiin a bawmhchanhnak hna zong kan hmuh.

Sihmansehlaw a caancaan ahcun media hna cu mi nih a takin an intuarh mi harsatnak hna, thinphang thlalaunak hna, midang hna i an lunglawmhnak hna, annih a phunphun pumpak he pehtlaimi hmuhtonnak hna zong langhter loin an thuhphenh mi hna kan hmuh.

Hi a konglam hna ruangah kannih kan iralrin awk asimi cu thawngzam media hna cu minung thinlung a thawhter khawh bantukin media hna ruangah minung khat le khat hawikomhnak ah li ihmuhlonak, mah lawng ummi nunnak asi tiah intuarnak hna zong kha kan hmuh.
 

Add new comment

8 + 12 =