Bawipa min in biachim hmanhsehlaw

Jesuh Thlahmi an silo
10.     Vawlei cung khuazakip ah Thawng`tha bia chim ding in Jesuh nih Lamkaltu hna kha a thlah hna (cf; Jn. 17:18; Mt .23:16-20). An chim mi bia a zummi vialte hna kha tuukhaal pakhat tangah tuuruun ruun khat si ding in a chimh hna (cf; Jn. 10:16, 17:20-22). A.D-33 kum i Lamkaltu pawl tuah mi Bupi kha zaamtaak in anmah tein an i tlah tikah, bu `then`thek pawl cu lam an i palh cang (cf; 2Pet. 2:15). Jesuh tlahmi an silo ruangah an bia chimmi zong Ahap siangpahrang thihnak dingah profet (400) hna hrokhrol bia a chimtu thlarauchia sinin an theihmi bia lawng te a si (cf; 2Chan. 18:5-22). Saya si an duhtuk nain anmah chimmi bia a suallam an thei lo i an theihzat in an chimmi bia lila kha a sullam an thei taktak lo (cf; 1Tim. 1:7). Anmah le anmah cu Pathian biachimtu ah an ni ruat nain Pathian nih Keimah tlahmi an silo tiah a ti (cf; Eze. 13:6). Jesuh tlahmi an si lo ruangah biaceih ni ah “Bawipa, Bawipa” na min in Pathian bia kan chim an ti zongah Jesuh nih cun ka sinin chuak u mi `thalo pawl nan si” tiah a leh hna lai (cf; Mt. 7:22-23). Jesuh  thlahmi an silo ruangah an bia chimmi cu pomtlak an silo. Cucaah, bu `then`thek pawl cu Thlarau zuamnak ah an sung zungzal lai.

Jn. 17:18     “Kei cu hi vawlei ah thlah ka si bantukin annih zong ka thlah ve hna.”
Mt. 28:16-20    “… miphun vialte hna sinah va kal u law ka zultu ah va ser hna u law kan chimhmi hna vialte hi zulh ter hna u....”
Jn. 10:16     “… tuukhal pakhat...tuuruun ruunkhat …”
Jn. 17:20-22    “Anmah ca lawngah thla ka cam lo, an cawnpiaknak thawngin keimah a ka  zum ding hna ca zongah thla ka cam, an zapi in pakhat     a si khawhnak hnga.....pakhat taktak an si i...”
2Pet. 2:15    “lamding in an pial i lam an tlau cang...”
2Chan. 18:5-22    “Ahab nih profet zali tluk a auh hna i... Ramoth-gilead ka do lai maw… tiah a hal hna… do ko na tei lai an ti… cun  Mikaiah cun Bawipa a nun bangin, Bawipa nih ka sin i a chimmi cu, mah cu cu ka chim ko lai, tiah a ti... Ahab cu  Ramoth ah a hung kal i khi ka ah a thihnak lai a hodah a lem lai tiah a ti.. Cun Thlarau pakhat cu a hung chuak i ... kei nih ka lem lai tiah a ti... Ka va kal lai i a profet vialte hna kaa chung ah naal thlarau ka va si lai tiah a ti..”
1Tim. 1:7    “Pathian nawlbia cawnpiaktu saya si cu an duh, sihmanhsehlaw anmah chim mi bia lila kha asullam an hngal lo, a hngal ngai bantukin an chim lengmang mi thil kong zong kha an hgnalh taktak fawn lo.”
Eze. 13:6 “ Lih lawng kha an chim i a hmaan lomi langhnak kha an hmuh ... asinain keimah thlahmi an si lo.”
Mt. 7:22-23 “Cuni a phak tikah, mi tampi nih keimah cu Bawipa, Bawipa na min in Pathian bia kan chim i na min in khuachia tampi kan `thawl i na min in khuaruahar tampi kan tuah, an ti lai....kan hngal bal hna lo, `that lonak a tuahtu hna, tiah ka ti hna lai..”