Caan`tha kha Cheunak (Tuufa Zanriah)

PATHIAN BIAK NING ZONG HI ZIAAH TLAKTER DING ASI KO
    Tuahpeng mi tuah lengmang mi hi phung `tha a si loh. Zeicahtiah tuahpeng a si. ‘Order’ ‘Nawlpek’ mi nih hin daihnak, le khulrang in thil ti khawhnak, tuah duhmi tuahternak in a phi chuahternak kha a chuahter. A ngaite kan ti ahcun, tuahtawn mi tuah lengmangnak nih a karh a `than tikah, thil ti kho ngai mi ah kan cang. Tuah tawn lengmang mi nih kan herhmi thilhme tete atu le atu ruah`than lengmang nakin a kan luatter: Tuahtawn lengmang mi phung nih thil `tha a chuahter, thinlung kha cunglei ah a cawlcangh ter i a kai ter.
    Khrihfa mi i Pathian biaknak phung cu biatlang tlinglo mi can ahleihluat pi in an tuak an ruah mi a si: cucu Pathian fale hna nih i lawmhpi dingmi a si. Khrih mo si awk i “Kan dawt ko” timi bia cu, Khrihfa Bu kha a si. Biaknak phung cu ziaah i laak in cu nih cun tlamtlinnak a kan pek lai, cucu “thlarau nunnak” a si rih lo, asinain a sawhsawh nunnak, vawlei hramthok in Pathian nih a sermi le a tlanh mi kha a si.
    Biaknak phung chungah cun mipa i a dihlak kha aa tlum: a pum, a thlarau, le a thinlung dihlak. A hmasabik Catholic Pathian biaknak phung i ka kal kha ka vun thei. Hi caan cu Byzantine Seminary ah zaanlei Pathian biaknak caan a um lio ah khan a si. Calvin nih chirhchan ah a chiah mi le tin`tan (cawnpiaknak) a pekmi kha cu keimah caah timhlamh piakmi a si loh. Rimhmui le Bawi Jesuh hmanthlak, bawhnak le likuk, a biachim mi le darkhing tibantuk hna zong cubantuk `thiam`thiam a si. Cuhnuah Seminary a ngeitu pa nih bia a ka hal, “Nang zeitindah na ruah?” ka chim khawh mi vial cu “Atu ah Pathian nih takpum a ka pek timi kha ka hngalh. Biaknak phungningin Bawipa le a mi hna kha biak ding a si”. Catholic hna nih cun Thawng`tha (Gospel) kha an thei loh. Biaknak phungchung ahcun, kan theih, kan hmuh, kan hnimh i kan teh.

CAN`THA KHA CHEUNAK
    Missa raithawinak i kawh auhnak kha fiangtukin kan theih, biatlang tlinglo in hi vawlei pumpi biaknak phungah khan a thang dih. Na thinlung kha thlir tuah! khoika ah dah kan thinlung cu a kal lai? Vancungah a kal lai, zeicahtiah Missa raithawinak cu Vawleicung Vancung khua a si. Asinain, hi thil hi fiang tein kan hmuhhlan ah (hika ahhin bia thli a um: cucu Biathlam cauk kan theihhlan caah a si), Missa raithawinak kong kha a `thencheu cu kan theih a herh.
    Hika cadal chungah hin, karkhat hnu karkhat kan kal lai, cu zong cu biakning phung chungah a si lai, a duhnak cu thil pakhat cio i an um tuning zoh awk ah a si lai. “rian`tuan ding mi” khoika in dah a rat i hihi zeicadah a si. A biapi mi kha a um ek in lakin, tlawmte cu cawnpiaknak hmun a um lai, mah hi nih hin Missa raithawinak kong ruahnak ah a kan bawmh lai, cun a chunglei i a ummi ning zulh in chimthiamnak hmuh kha kan thok lai. Zeicahtiah, an `then mi le a dihlak ahkhan Missa raithawinak cu sullam ngeilo mi tuahtawn mi phungah a tla lai; thinlung tak tein i tello ahcun tinak a si. Cu zong cu tuah lengmang mi ningcang phun kha a si ve lai i cunih cun tuahtawn mi ningcang kha a min a chiatter lai.
    A hmasabik kan hngalh dih mi ah Missa raithawinak hi `thenhnih ah an `then taktak timi a si lai. “Changreu le mitsur zu ei tik i Bia” le biaknak phung i changreu le mitsur zu einak, tiah `then an si. Hi cheu mi hna cu phunghram he an i pehtlaih ning in `then `than a si. Latin Khrihfa Bu ahcun, Pathian biak ning phungbia ah luhnak kha aa tel, bia hmai`thi ah an chiahmi phung le sual ngaihchihnak phung hna hi an si, cun Bible ca relnak zong kha a um chih i, Biaknak phung ningin changreu le mitsur zu eidinnak kong ah `thenli ah an `then: peknak he aa pehtlai mi, changreu le mitsur zu he aa pehtlai in Thlacamnak, Bawipa Zanriah einak phung, le a donghternak biaknak phung kha an si. Tuah hnga dingmi kha an tamngai nain, Missa raithawinak cu phunkhat pek dingmi kha a si, cucu Jesuh Khrih raithawinak kha a si, hi nih hin Pathian kan pa he biakamnak kha a tharchuahter.