Hmuh Awkah Ka Mer

PAKHATNAK
“Hmuh awkah Ka Mer”
THEIH HNGALH LOMI LAKPI AHKHAN KA VUN I MER I KA ZOH

Mah dal pali hna cu a fawi deuh mi `then an si. Cu hna ah Catholic tampi hna nih cun chikkhatte Missa raithawinak vun zoh ta nak caan kha an ngei. Anmah cu thlacamnak le umtuning khan cun an fiang ko, mitku ngai in an va um hmanh ah an in khawh ko. Mah hi cadal he hin, zeiti a si zongah (Biathlam 1: 12) kha vun zoh ta u sih. Hi thil hi Catholic mitampi hna nih an mertak mi a si-a caan ah `tihlaunak an tong- a caan ah pakpalawng ah an i cang.

Biathlam cauk cu, Bible caah a donghnak tikah a ummi a si, Vawleicung thil he aa lo lomi cauk taktak kha a si: `tihnung le ral tampi a khat, cun kangh a hmangmi mei-alh, thi in a luangmi tiva, cun sui an phah mi lampi hna kha an um. Hmun kipah, hi cauk cu theihhngalhnak le thil thaw mi zeirel lonak kha a um. Zohchunh awk minthang ngai mi pakhat vun la hmanh usih, facang khaubok hna `tih an nunning, John nih a thanh mi ah “Meikhu in khaubok an chuak”... rang bantukin ral dohnak ah an i tlar: an lu hna ah khan suiluchin he aa lo mi bantuk a um: an hmai cu minung hmai bantuk a si, an sam cu nutung hna sam kha a lo, an haa cu chindeih haa bantuk an si, phaw an ngeih mi cu thirphaw `taang i an i khuhmi bantuk a si, an thla khon thawng cu rangleng tampi hna thawng bantuk a si, tlang ngaikuang bantuk mei kha an ngei, zangzong kha an ngei fawn, an mei ahcun minung khondeennak `thawnnak thlanga ca tiang a um” (Biathlam 9:3,7-10).

`Tihnak he cun nih le aihramnak hmanh kan thei kho lo. Upat peknak ruangah, St. John kha biahal kan duh “A si tak, mah hi cu fanghlang ngai in ka chimter u: A hmul a sau mi khaubok pipi, chindeih ha bantuk minung hmai a si `tungmi kha na hmuh lai. Cun suiluchin le kha an i chinh i ralthuam thir angki bantuk zong kha an i hruk fawn. Tukforhnak a nganmi pi cu kanmah le kanmah i ngaihthiamnak kha a si, can dongh lai thil a tlung dingmi kong relnak in siseh, Pathian kan theihter ding mi ah hi vawleicung i umnak nawl kan hmuh mi a si.

Keimah nih el ka duh lo mi cu Biathlam cauk i a um ek i a ummi kong hi a si, hi thil cu thildang he aa lo loh. Cu can ahcun, ka sinah ra law dothlat, na lung a tlian khawhnakhnga, ka vun tuak taktak tikah thildang he aa lomi lakpi ah khan theih hngalh nak ka ngei.