Khrih Phunglam

Thlarau zuamnak
1.     Thlarau zuamnak phunglam a zullo mi cu nunnak laksawng an hmu lai lo (cf; 2Tim. 2:5). Cu phunglam cu Khrih phunglam a si (cf; 1Kor. 9:21). Khrih phunglam cu Bible Ca ah a um. Bible Ca cu Pathian sunparnak ruangah fianglo in an `tial i  (cf; Phung. 25:2), hrilhfiahnak a tam bantukin, bu zong a tam. Bible hrilhfiahnak thawngin kanmah bu ahmaanbik, kanmah bu lawngah Thiang Thlarua a um, bu dang cu lam a pialmi an si i Thlarau thi an si an ti. Zeihmanh a theilo mi le ka sungsual lai ti a phang mi cheukhat nih cun bu a biapi lo, bu ah khamhnak a um lo, mah le Jesuh pehtlaih lawng hi a bia pi, Jesuh a zum i dawtnak a ngeimi cu vanram an co lai tiah Bible an hrilhfiah i Thlarau zuamnak ah an i tel zungzal. Asinain mah tein kaa zacang a timi cu Pathian nih a cohlang hna lo. Pathian nih a zacang tiin a ruah mi lawng a cohlan (cf; 2 Kor. 10:18). Pathian nih a za tiah a ruahmi Bupi cu Bible hrilhfiahnak a theidih i, Khrih phunglam a zulmi Bupi a si. A teitu cu nunnak thingthei an ei lai (cf; Bia. 2:7). A sungmi bu cu sivai he a khatmi thingthei an ei lai (cf; Gal. 6:8 ). Thihnak nih a tei khawh lo mi teitu Bupi cu Khrih nih Peter Lungpi cungah a dirh cang caah kan zuam ngam. Maw! thihnak na sivai cu khoika ahdah a um (cf; 1 Kor. 15:55) a ti.
2Tim. 2:5     “zuamnak chungah aa telmi nih phunglam a zulh lo ahcun     laksawng a ngah lai lo.”
1Chan. 9:21    “… Khrih phunglam ....”
2Chan. 10:18     “…mi pakhatkhat cu amah le amah kaa zacang tiah a ruah tikah Pathian nih a cohlang lo, Pathian nih a zacang  tiah a ruah lawngah a cohlan lai.”
Bia. 2:7    “Teitu sinah … nunnak thingthei einak nawl ka pek lai.”
Gal. 6:8     “A taksa duhning in a tuh ahcun a tuh bangin a zun lai.”
1Cor. 15:15     “Maw! thihnak na sivai cu khoika ah dah a um?”