Kutpha Thazaang

7. THILNUNG HNA AH UMMI THAZAANG `THAWNGMI LECKTRICT THA, CAMHNAK, NAWRNAK HNA

            Kutchuan tikah pakhatkhat intuarnnak, molhnak, (ngut) hngilhnak, takpum thazaang a der a uai i kualhnak tiin thil cannak a cangning hna he hmunkhat in mitampi i pumh in thlacam, caan saupi thang`thatnak hla hna hmun hna ah kutzau in rilhnak hna he pehtlaihin a biapituk mi pakhat chim ka duh rih.

            Hi konglam cu nunnak ngei saram hna ah a ummi kokek thil tikhawhnak thazaang phunkhat asimi thazaang a `thawngmi lectrick hmuhnak thazaang, camhnak tha le nawrnak tha hna (electromagnetic power and radiation) asi. Kha thazaang a `thawngmi lektrict hmuhnak thazaang, camhnak tha le nawrnak tha cu mi cheukhat nih hleikhun in an ngeih `theo hlei ah an hman an tuah tawn. Cubantuk mi hna ah a ummi lectrict hmuhnak thazaang, camhnak tha, nawrnak tha cu mibu pakhat he lungkhatte umnak hmunah a tha a `thawng deuh. Hi kong cu biaknak lei thiamsang hna nih an hmuhmi konglam asilo. Thinlung lei thiamsang hna, a hleice kokek konglam a cawngmi thiamsang hna nih an hmuhmi asi. ^{42 For instance, Lyall Watson, Supernature; a Natural History of the Supernatural (London: Hodder and Stoughton, 1973). Lyall (Watson was a Biologist).}

                Hikong he pehtlaihin kutchuan mi kutpha ah a linh dat an theih. Cutin kutpha ah a linhnak dat an thieh tikah, kutchuan a ingmi (pa/nu) takpum cu `tektlak bantukin an ing i hmakhatte ah thazaang uai in an i kualh, i hngilhnak, mah i hngalhlo nalhnak hna a chuak `theo. Asinain mi cheukhat hna cu an kutpha i a linh dat he a ralchanh i thazaang `thawngmi a linh dat siseh, khi a linh dat nakin a lonh deuhmi a linh dat zong kha a ngei `theo. Khibantuk mi hna cu rilh ter awk an har ngaingai. Cheukhat hna cu kha a linh dat hmuhnak thazaang, camhnak tha le nawrnak tha kha thapkhat a ingmi minung hna sinin an hmuh i an rilkhawh ve. ^{43 Cardinal Josef Suenens, A Controversial Phenomenon, 71.}

            Hikong he pehtlaihin mah pumpak nih kuttongh a intuarh caah a theimi Catholic Siangbawi tampi an um. 2005 kum i Taunggyi khuapi i a ummi Siangbawi cannak Sianghleirun ah kutchuan thlacamnak he pehtlaihin, keimah telhin Siangbawi cannak Brother vialte cu, Siangbawi pakhat hruinak in kuttongh an rak tuah. Cuti an tuahnak ahcun, kutchuan thlacam tikah kutpha a lin te lai tiah hruaitu Siangbawi nih hlankan in a rak chimhchung hna. Cubantukin a intuarh taktakmi ka hawile cheukhat an um. Asinain, aa telve mi Brother dihlak nih cuticun an inturah dih tinak asilo. Mi pathum phukhat in kan ser i kutchuan thla kan i campiak hna. Cutin kutchuan thla kan cam tikah ka kutpha a lin taktak ko a timi Brother hna cu anmah le mah an khuaruah a harcio.

>>>kan peh`than telai>>>