Teresa of Avilla le John of the Cross hna i Intuarhnak

Sts. Teresa & Cross (John)

6. MYSTIC MITHIANG HNA (MYSTIC SAINTS) I HMUHTON INTUARHNAK HNA LE  AN CAWNPIAKNAK HNA

St. Catherine of Siena, St. Teresa of Avilla le St. John of the Cros hna cu Bupi thiamsang dgree (Doctor of the Chruch) pekmi Mystic Saints hna an si. Annih nifate thla an cam buinrilhnak, biathtlam hmuh-theih, awthawng theihnak (inner voices) hna kha a hmuhton mi ha an si pinah, kha thil cannak a canning hna kha kum saupi tiang tlangtlak i a cekhlatmi hna an si.
St. Teresa of Avilla nih a`tialmi cu:

Thlacam buin rilhnak a chuak tikah takpum cu a nem i aa kual thiam ko nain theihngalhnak tlau (lunglohnak, cinkennak a tlau, chia`tha hngalhnak hna a tlau) tiphun cu a umlo. Abiapi mi pakhat cu cubantuk takpum a nem i, rilhnak thawngin thlarau pakhat hmanhmlo mi  kha kan hngalh a hau. Cucaah kannih phu i Sister lubik hna kha ralring kan pekmi hna cu; khibantuk sicanning hna kha a si khawhchung in nan hrial li, khibantuk rilhnak a tonmi nan hmuh hna tikah a tluknak in zokzokte a thawh`than khawhding in nan bawmh hna lai ti asi. A ruangcu, khibantuk rilhnak nih thil hngalhnak le ruahmi thil hna rian`tuannak kha a hrawh caah, thil`ha pakhat tal hmanh a chuahpi hleilo caah, mah thlarau ca `hatnak asiter mi rian hna hmanh kha a hrawhter caah asi. 37 St. Teresa of Avilla, Book of the Foundations, trans. John Dalton (London: Pater noster Row, 1853), chapter 6, p.32.

St. John of the Cross zong nih cubang cun ralring a pekve kha kan hmuh. Amah i minthang ngaimi The Ascent of Mount Carmel 38 St. John of the Cross, The Ascent of Mount Carmel, in John of the Cross: Selected Writings (New Your, Mahwah, Palulist Press, 1987), 41-154. tiah min a pekmi Thlarau lei cauk ah thlacam buin `ahnak, rilhnak, ngeihchiat aihramnak, theihnak le hmuhnak ngeihnak tiah thil cannak a canning hna cu Pathian sinin a rami bantuk siko hmanhsehlaw,  Pathian sinin angaite a siko tiah cohlan colh ding asilo. A `hami thil cannak siseh, a`thalo thil cannak a canning siseh, ahohmanh nih Pathian sinin a rami asi tiin aamahkhaan colh lo dingin kan i ralrin a hau. Khibantuk thil cannak a canning asi sual ahcun, khi hna kha a rannak in hlawt el chiahtak awk philhlo ding hrimhrim asi. Aruangcu lenglei muisam ah khuaruahhar thil canning a fiang chinchin, Pathian sinin a rami thil asilo kha a fiang chinchin.

Pathian cu minung takpum `engnge panga le mithmuhnak hna i forhfialnak hna kha ngaih i rian`tuanmi Pathian asilo. Inturannak phuntling a pemi takpum `tengnge hna kha hmangin minung hna kha a pehtlaihmi nakin, Pathian cu, khi hnanih banhkhawh lomi a nung Pathian asi bangin, minung thlarau `hatnak ca le palhnak umlo dingah minung thlarau kha a remhpiaktu Pathian asi. Chim duhmi cu minung hna i intuarnak thiammi takpum `tengnge le thihri hna cu mah le intuar ningcio in siseh, intuar duhning cio in siseh zeizangte kha bia a chah tawn caah, Pathian he pehtlaimi thlarau `thatnak hmanh kha mah intuarnak thazaang hrambunh in biaceih bia a chiah tawn caah asi. 

Sihmanhsehlaw, takpum `tengnge hna le thihri hna cu  thlarau he pehtlaimi hna kha a thleidan thiam tawnlo. Cucaah takpum chung i hngawlhnak phunnga le mithmuhnak ah asimi khuaruahhar thil cannak a canning hna kha Pathian sinin a rami asi tiah fektein a zummi cu palhnak khor nganpi chungah a zuangmi an si i mah takpum nunnak caah siseh, mah thlarau nunnak caah siseh sunghnak nganpi a siter pinah taksa le thlarau a pahnih ning caah `tihnuntuk a simi lam a zawhtu asi. Khibantuk a palhmi zumhnak cu man i a chung thinlung le nunnak ah thlarau lei `hanchonak lam kha mah pumpak nih phihkharnak asi caah asi. 39 St. John of the Cross. The ascent of Mount Carmel, Book II, chapter II. At no, 12 of the same chapter, the great mystic sain further enunciayted that “Manifestly, these visions and sense apprehensions canno serve as a means for union since they bear no proportion to God. This was one of the reasons for Christ’s not wanting Mary Magdalene or St. Thomas to touch Him (Jn. 20: 17. 27-29)”. He further continued, saying that “The devil is most pleased when he sees that people desire to admit revelations, for then he has an excellent opportunity to inject errors and disparage faith. as I have declared, people desiring these opprehensions become coarse in their faith and even exprose themselves to many temptations and follies”.

St. Theresa of Avilla le St. Jonh of the Cross hna `tialmi le ralring peknak kan zoh tikah, khibantuk rilhnak le `ahnak, hmuhnak le awthawng theihnak, a kih a lum intuarnak tiin khuaruahhar thilcannak a canning hna cu Thiang Thlarau rian`tuannak, Thiang Thlarau a `tumnak asi tiah dik tein zumhnak cu thlarau nunning le ca lawng silo in taksa ca zongah `tihnung asi tiah ralring a rak pek kha kan hmuh. St. Teresa of Avilla le St. John of the Cross hna nih a biapi in ralring an pekmi pakhat cu “Pathian nih bia a ka chimh, Pathian awthawng ka theih” tiah an timi ‘Awthawng theihnak’ cu mah i (itheihlonak) chia`tha thleihdannak lungthin in a rami thinlung chung awthawng menmen asi, mah ruanak, mah pomnak le (ktheihlonak) lungthin ah aa benh in a ummi duhfahnak awthawng menmen an si tiah ralring a rak pek.

Cardinal Suenens zong nih cubang cun chingchiahnak a rak `tialve. A `tialmi cu “micheukhat nih Pathian he kan ton, biatakte Bawipa ka hmuh, Pathian nih biatakte bia a ka ruah tiah fektein an chim`heo. Asinain keimah pumpak nih ka ton ka komhmi hna, Bawipa ka ton tiah fekteih tehtehan in a chimmi hna, biatakte Bawipa awthawng ka theih tiah tehte a khanmi hna kha `thatein a cekhlat hna he thlah nih chung ngiatnak in zohkhenhnak kan tuah tiah annih intuarnak hna cu a paljmi in tuarnak lawngte asi kha (illusion) kan hmuh. Hikong cu fakpiin khuaruah a kan harhter heli ah, thlacam lio caan pumh lio caan ah rilhnak, `tahnak, hmuh le awthawng theihnak, khuaruahhar thil canning a cannak he pehtlaih in cun a hleice ralrin awk asi kha ka theih chinchin. 40 Cardinal Suenens, A contoversial phenomenon, 18-49.

Rilhnak he pehpar in, Thiang Thlarau Pathiah he  dairek in pehtlaihnak a ngeilo, mi zapi he thlacam pumh thang`thatnak ah rilhnak, `ahnak, ihnilhnak le hmunkhat in daihnak, lung diriamnak, mah pumpak Pathian sin phanh bantuk pomnak cu Thiang Thlarau Pathian he hmasabik ah pehtlaihnak a ngeilo, Bawipa kutzung le `hawnnak huham tiah diktein chimkhawh asilo zia kha mah pumpak nih kumhrabu lomh tiangin khibantuk pumhnak kha rak hruaitu, Catholic Siangbaw pakhat asimi G.Malo-ney, SJ, nih a tanglei bangin chingchiah a tuah.
Kuttongh tein keimah pumpak hrimhrim kaa telve. Mizapi he thlacam pumhthlacam pumhnak ah hla hna caan tlawmpal kan sak hnu ahcun mi hna kha tluk (rilh) ter khawh an sicang. Rilh ticu Thiang Thlarau rian`uannak ti khawh asilo. Keimah pumpak nih midang kha ka rak rilhter ko hna. Abiapibik cu rilhnak cu camh phun he aa pehltaih tawnmi kha hmuh asi. Zeicahtiah cun keimah pumpak nih camhthiam mi ka si caah ka theih deuh. An i rilh lio ah zeitin-zeihna dah an intuarh timi kha hlai asi. Khibantuk thlacamnak hmunah a rilmi hna intuarhnak le camh a ingmi hna an rilhlio intuarhnak cu aakhatbak kha kan hmuh.

Cheukhat nih kan thinlung a dai an ti, cheukhat nih an takpum kha cawi in vancung ah kaipi bantuk asiloah aa dawhngai mi hmunah kalpi bantuk an intuar. Cuhna vialte cu thlacam pumhnak tuahlio i a rilmi hna intuarnak lawnglawng asilo. Camh phun le kokek thil tikhawhnak he aa thlengmi hna zong nih cubantuk inturahnak phun an ngei ve. Pathian a zummi hna tu cu atu bantuk intuarnak hna kha Pathian i `thawnnak huham asi tiah an timi cu a hmaanmi asive ko. Asinain khibantuk rilhnak he pehlaimi intuarhnak hna cu kokek lonh thilcannak siloin, kokek thil tikhawhnak huham hna hmannak ning asi `theo tawn. Cucaah, khibantuk ningcang hna kha kannih nih Pathian `hennak asi tiah diktein ruatding le khibantuk phung phun kha a dotsang mi kokek lonh thlacamnak phun kokek lonh intuarnak phun le Thiang Thlarau Pathian ah thlacamnak phun asi tiin zumhsual lo ding tu kha a biapi asi. 41 Cardinal Suenens, A Controversial Phenomenon, 70-71

#Kan pehthan te lai>>>

Add new comment

16 + 3 =