Tuahtu le Teitu

Teitu

Bible ca a Tuahtu le a Teitu

5.     Thlarau zuamnak i teitu a si mi,  Bible hrilhfiah a thiambik mi le a thei bik mi cu Bupi a si. Cu Bupi cu Bible ca a tuahtu le a teitu, Khrih Bupi a si i, ahmaan taktak mi Catholic Bupi hi asi. Amen.

Satan Biathli
6.     Cawnpiaktu hmaanlo pawl cheukhat cu a thukmi satan biathli theih lo in (cf; Bia. 2:24) Bible ca chung i an theithiam lo mi bia pawl he bu dang kha an soi i Thlarau zuamnak ah an i tel ve (cf; 2Pet 2:12). Annih pawl cu an puar, an ning a hngal i, van i a ummi Van Siangpahrang Bawinu Maria (cf; Bia. 12:1-17) tiang kha an soi (cf; 2Pet 2:10). Thihnak thingthei an ei lai i saram bantukin thahnak an tong lai (cf; 2Pet 2:10-12).

Bible hrilhfiahnak a theibik mi le a ngeitu Catholic Bupi kha, amah Bible ca lila kha hman in tei aa timmi hna cu Pathian bia, hla ah a chambau mi, bia `thatein a ruatbal lo mi, bia hmaan a dotu, thluak a hmangbal lo mi pawl an si i Thlarau zuamnak ah an timhnak hlat thenglo in an sung zungzal lai (cf; 2Tim. 3:8-9)  a ti. Zeicaah tiah cun Bible ca a teitu kha mah Bible ca in tei a zuammi cu mihrut an si ti hi midang pawl nih an theih ruangah a si (cf; 2Tim. 3:8-9). Jesuh nih Peter Lungpi cung i a dirhmi, Bible ca a tuahtu le a teitu, Catholic Bupi a zuamtu cu an kuai lai i dipcikcek in an sung zungzal lai  (cf; Lk. 20: 18). Thlarau zuamnak ah Bible ca a tuahtu le a teitu cu Catholic Bupi nih cun a sung a khan bal lai lo (cf; Gal. 2:5). Zeicaah ti ahcun a sung ballo mi Bupi a si.

Bia. 2:24    “… a thukmi satan biathli an timi nan thei lo …”
2Pet. 2:12    “… an theih lo mi bia paoh cu nautatnak he an thangchiat …”

2Pet. 2:10    “… cawnpiaktu palh hna cu an puar i an ning a hngal ...”
2Pet. 10-12    “ … cawnpiaktu palh hna cu saram bantukin thah an tong lai.”

2Tim. 3:8-9    “… hi hna pawl cu bia hmaan a dotu an si, bia `thatein an ruat kho lo, thinlung hmaanlo le an zumhnak ah a tlami an si. An tumtah  mi lamhlat a phan kho lo. Zeicaah tiah cun mivialte nih an hruhnak kha an theih hna.”
Lk. 20:18    “A hohmanh cu Lungpi cung i a tlami cu an kuai cikcek lai i lungpi nih a tlakmi hna cu an zam dih lai.”

Gal. 2:5     “… Thawng`thabia kha fiangfai tein himter kan duh ruangah cu hna pawl sinah cun tlawmte hmanh sungh kan khang lo.”

#Tialtu- Salai JB
 

Add new comment

15 + 2 =