Vanram an co kho ve (95Theses n.83-85)

BU `THEN`THEK PAWL VANRAM AN CO KHO VE
Sual i ngaihchihnak
83.     Pathian zangfahnak cu sualngaihchihnak  asi (cf; Rom 2:4). Bu `then`thek pawl cu vawlei Khrifa phunglam in siseh, Bupi phunglam in siseh, Cathiang phunglam in siseh, thawng`tha bia phungning in siseh, pumpak tonmi in siseh, Pathian zangfahnak hmuh in bu `then`thek chung an ummi hi an i ngaichih i Khrih a Bupi chungah an raklut `than asiahcun vanram an co lai.   Asinain, sual  ngaichihnak cu a theitlai in langhter a herh caah (cf; Jn. 3:8) an langhter lo asiahcun an ngah lai lo.”
Rom 2:4     “Pathian zaangfahnak cu na sualnak i ngaichih dingin an hruaitu ding a si.”
Mt. 3:8     “Nan sual nanin ngaichihnak cu nan theitlai in langhter ngat u.”

Tawh On
84.     Jesuh Khrih nih vawlei tawh le vanram tawh cu Bupi hruaitu Peter sinah a pek caah (cf; Mt. 16:19) cu tawh a cotu, vawlei Bupi hruaitu nih “Bu `then`thek pawl zong Jesuh an biak ve caah vanram an ngah kho ” tiah tawh a on asi ahcun an ngah kho.  Asinain, Bupi hruaitu (264) nak John Paul II nih cun “Bu `then`thek pawl cu  Christian an silo, vanram an co kho men ti zong in ti hlah u, Christian cu Khrih Bupi le Orthodox lawng asi” tiah biatak tein tawh a rak phit beh cang. Hi bia hi vawlei mi khuazakip nih theih ding ah  AD 2000 kum, Septerber ni 3 le ni 4 ah BBC le VOA radio in an thanh cang. Cun atu i Pope Francis nih June/2013 ah “Bupi lengah khamhnak a umlo - there is no salvation outside the Church” tiin Bupi cawnpiaknak in tawh a phih `than `thiam`thiam.
Mt. 16:19     “Jesuh nih ‘vancung pennak tawh cu kan pek, vawlei cung i na onmi cu vancungram ah on a si ve lai i, vawlei cung i na phihmi cu vancung ram zongah phih a si ve lai’, tiah Peter kha a ti.”

ZEICAAHDAH BU `THENNAK  AN TUAH?
Taksa caah
85.     Lamkaltu hna cawnpiaknak al  riangmang in bu`thennak a tuahtu hna cu kan Bawipa Jesuh Khrih caah rian`tuantu an si lo. Mah lal duh ruang le taksa  ca lawng ah bu an `then hi a si” (cf; Rom 16:17-18).
Rom 16:17-18     “U le nau hna, `then`theknak a tuahtu le  nan co hlan cia mi cawnpiaknak a tuahtu pawl kha i ralring hna u.  Cubantuk a tuahtu hna cu kan Bawipa Jesuh Khrih ca rian`tuantu an si lo, anmah taksa ca rian`tuantu an si.”

Thinlung hmaanlomi
86.     Bu `then`thek pawl cu kan biaknak hi a lenglei lawng in an pom, asinain a chunglei ca taktak a si mi Bawipa Thi le Sa tu cu an hlot. Jannes le Jambres bantukin bia hmaan hramthawknak Khrih Bupi an doh i  bu `thennak an tuahnak cu  Pa chan, Fapa chan, Thiang Thlarau chan i Pathian zumhning, Pathian dawtning  phunthum aa thleng cang timi a thlei dang thiamlo mi le thinlung hmaanlo mi an si i  Pathian bia a zaamtak mi an si caah a si. Thinlung hmaanlo mi pawl i hruaimi hna an timhtuahnak lam  cu hlatpi a phan kho lo (cf; 2Tim. 3:5-9).
2Tim. 3:5-9     “Kan biaknak phung hi a lenglei in an i tlaih lai , sihmanhsehlaw a chung i a um mi `thawnnak taktak kha cu an duh lai lo, cu hna cu hrial i zuam hna. .... Jannes le Jambres nih Moses an rak doh bantuk khan hi mi hna hi biatak a dotu an si; annih cu an ruahnak `tha tein rian a `tuan ti lo mi, zumhnak lei i `tha tein rian a `tuan ti lo mi an si. ...an hruhnak cu mi nih an hmuh zau ko lai.”