Zumtu tambik mi Bupi

Zumtu a tambik mi Bupi
91. Khrih Bupi cu; an thangchiat hlei ah hremnak fakpiin a tuar i mi tampi an thisen a luan ko nain zumtu an karh chinchin. Zeicaah ti ahcun, Siangpahrang huham cu a ukmi tam le tlawm cungah a um, a ukmi a tlawm asiahcun cu Siangpahrang cu zeihmanh a si lo (cf; Phut. 14:28).
Jesuh Siangpahrang cu a ukmi hna tamchin ding ah miphunkip sinah thawng`thabia phuanding in Lamkaltu a thlah hna i (cf; Mt. 28:19) vawlei cung khuazakip ah ka tehte va si uh tiah a ti hna (cf; Lam. 1:8). Cuticun Khrih Bupi nih cun vawlei cung pumpi kha a khuh dih (cf; Daniel 2:1-35). Khrih Bupi chungin vancungram a ngahmi pawl zong relcawk an si lo (cf; Bia. 7:9-17).
Cucaah Khrih Siangpahrang nih a ukmi Bupi cu vawleicung ramkip le miphunkip cungah a um i hi vawlei ahhin zumhtu tambik mi Bupi cu a si. Kawl law na hmuh lai. Na umnak bu`then`thek cu mi tlawmte lawng an um i ram tlawmte chunglawng ah an um a si ahcun Khrih Bupi asi lo, zaamtak men ko.
Phut.14:28 “Siangpahrang huham le `thawnnak cu mitam le tlawm cungah a um ve, a ukmi an umlo ahcun zeihmanh a si lo.”
Mt. 28:19 “Miphun vialte hna sinah vakal uh law ka zultu va siter hna uh….”
Lam. 1:8 “Vawlei khuazakip ah ka tehte va si uh.”
Daniel 2:1-35 “...Cu lungpi cu a `thang ciammam i vawleicung pumpi a khuh dih.”
Bia. 7:9-17 “... ahohmanh nih relcawk lo an si. An puan cu Tuufa thisen in an suk i a var cikcek.”
Zanriah
92. Pa chanah Pathian thlahmi Moses le amah cawnpiaknak bantukin Pathian a zummi pawl cu Sinai tlang cungah Pathian an hmuh i dawtnak rawl an ei tikah an i ruahchan mi vanram an co (cf; Ex. 24:9-11).
Ex. 24:9-11 “Cun Moses, Aaron, Nadap, Abihu le Israel hruaitu sawmsarih hna cu tlang cungah an kal... Pathian an hmuh nain an thi lo, cuka ahcun an ei an ding hna.”
93. Fa pa chanah Jesuh cawnpiaknak bantukin amah a zummi zultu hleikhat cu Jesuh he dawtnak zanriah an ei tikah an i ruahchan mi vanram an co (cf; Mt. 26:26-28).
Mt. 26:26-28 “Rawl an ei lio ah Jesuh nih changreu kha a lak i thla a cam hnu ah i lak uh law ei uh, hihi ka sa a si tiah a ti. Cu hnu ah hrai kha alak i nan zapi in ding uh hihi ka thi a si tiah ti.”
94. Thiang Thlarua chanah Jesuh thlahmi Lamkaltu pawl an tuahmi Bupi cawnpiaknak bantukin Jesuh a zummi hna cu Jesuh he zanriah an ei `ti. Zanriah an ei dih in Jesuh nih innka a khar. Bu `then`thek pawl cu Judas Ikariot bantukin Jesuh he pumkhat sinak zanriah ei a duhlo mi an si. Na thinlung innka awng law Jesuh he dawtnak zanriah rak ei ve, naa ruahchan mi vanram na co lai. Jesuh pekmi changreu le mitsurhang cu thihnak a teitu rawlthawbik a si (cf; Bia. 3:20; Isaih 25:6-8), (1Kor. 10:16-17).
Bia. 3:20 “Ngai hmanh, innka pawngah ka dir i ka kingh. Ahohmanh ka aw a theih i innka a awngtu cu a inn ah ka lut lai, a sinah rawl ka ei lai, amah zong keimah he a ei ve lai.”
Isaiah 25:6-8 “Hi Zion Tlang cungah hin Ralkapbu Pathian nih vawleicung miphun vialte caah rawl danghnak a timh lai, cu rawl danghnak ahcun rawl thawbik he chiah piak a si lai. Bawipa nih thihnak cu zungzal in a lohter lai i, mithli vialte a hnawh dih lai.”
1 Kor. 10:16-17 “Cu changreu pakhat ruangah cun... kan zapi in pumkhat kan si.”