Chungkhar ngei hna cah Zohchun awk `tha

Pakhat le pakhat theihthiam, ngaihthiamnak (apeh)

Mizeimaw nu le va hna cu laifang minung hna i huatchuak bia zong kha a biapi in ralring ding asi “Laifang minung hna bia nih minung tampi kha ngaihchiatnak a chuahter i hmunkhat in hmunkhat  leiah a `thialter tawn hna. Cucu mirum mingei hna i khuapi hna kha a rak hrawh i ruamkai ngaimi chungkhar hna kha a rak `theh hna. Laifang minung i lei cu dingfel mi nu hna kha an vale he a `thenter hna i, annih chungkhar rian ah `hathnemnak chuahter loin a tuah hna. Laifang minung bia a ngeimi nih zeitik hmanhah an lung a dai bal lo” (Eccleciates 28:16-20).
    St. Rita (AD. 1381-1457) cu chungkhar kong nunnak ah harsatnak hna, ngaihchiatnak hna tampi he a rak khat. St. Rita cu kum note asilio tein nu le pa nih forhfialnak in leh a rak i thah mi asi, tiah kan theih. St. Rita cu mithiang nunnak kha kaarhlan a duh ko nain a nulepa bia a ngaih i va a rak ngeih. Chungkhar nu tling pakhat sinak in aa zuam i a rak um. Pathian a rak zumh ngaingai. Thlacamnak lawngin a lung aa lawmh. Sihmanhsehlaw a vapa tucu a rak chimh i a rak velh. Cuhleiah anih cu chungkhar kongah a dinfel lonak kha fiangtein a rak langhter. Asinain Rita nih a rak ngaihthiam zungzal. Annih nih fapa pahnih an rak ngeih. St. Rita nih an fapa pahnih kha Pathian theihnak le dawt awk a rak cawnpiak hna. Lam`ha a rak hmuhsak hna. A vapa tu cu a fale kha a ziaza `halonak a rak hmuh sak hna. Zankhat ah a vapa cu mi nih nam in an rak chunh. St. Rita tlacamnak thawngin a vapa cu a thihhlan deuh ah a rak i ngaichih. Palhnak lam a zulmi a fale pahnih hna zong an i ngaihchih i sacramentu hna an hmuh. St. Rit cu kum (18) khengte chungkhar kongah harsatnak kha dinfelnak in siseh, zumhnak in siseh, ingtuarnak in siseh a rak phorh i chungkhar ngei hna caah zohchunh awk `ha a rak si. (10.3.22)