Chungkhar Nunnak

Chungkhar nunnak ah lunglawmhnak le ngaihchiatnak an um`ti zungzal

Lunglawmhnak lawng kha na duh i ngaihchiatnak kha na `tih ahcun hninsi pangpar dawhnak lawng kha na uar i hninsi hling hna kha a `tihmi he naa lo lai. Hninsi par dawhnak kha na thlaihchanh ahcun a hling zong kha na hmaitonh ngam awk a si. Pangpar phahmi lam cungah zungzal in lamh a duhtu hna, a nuam zungzal mi nunnak lawng kha a ruahchanh mi hna caah chungkhar nunnak lamthluan ah harsatnak he an ton caan ah ngaihchiat lungrawhnak a chuak kho.

Chungkhar nunnak lamthluan ah thlizilte he tonthiam asi bantukin a fakmi thlichia a hran ni he zong i pah a sive tawn.

Teinak lunglawmh mirhnak he ton thiam asi bantukin, ngaihchiat sunghnak mitthli he zong i pah  a sive tawn. Dawtmi caah, fale caah, innchungkhar dihlak caah ngaihchiat sungh zatlaknak he i pah sual asi tawn. Hmaitonh i pah dingah timhcia in um awk asi.

A `thabik thil lawng aa ruahchan mi hna cu teinak a hmumi chungkhar kong ser khawhnak caah harnak tampi a um lai. Zeicah kan tiahcun chungkhar nunnak cu zungzal in a ding khawhlo caah asi.

Sihmanhsehlaw a dikmi duhdawtnak in nu le va hna cu pakhat le pakhat zaangfah zawnruahnak tein an i dawt si ahcun chungkhar kong i harsatnak vialte kha an lonh khawh hrimhrim lai.