Dawtnak Taktak Timi

Dawtnak taktak

Adikmi dawtnak cu `tihnak vialte kha a `thawlpiak
(1Jn. 4:18)

Dawtnak cu `tihnak vialte kha tlauter dingin thazaang `thawnnak a pemi thil asi. Nangmah cu mi pakhat kha dawtnak taktak in na duh ahcun:
Fahnak ing ding a `tihlo
Pumpek ding zong a `tihlo
Pekchanh awk zong a `tih fawn lo
Harnak ingding a `tihlo
Caan a dih laimi zong a `tihlo
Zeizongte ngol kha a ngawmh
Fahnak ing a ngamh
Zeizongte ah pumpek a ngamh.

Dawtnak taktak in a dawtlo mi hna cu fahnak an ing ngamlo. Mah `thathnemnak ngol ding zong an ngamhlo. Harnak an intuar ngamlo. Cu mihna cu dawtnak taktak an ngeihlo caah kan dawt ko a timi caah pum aa pe ngamlo.

Cumi hna cu a dikmi duhdawtnak kha an `tih. Dawtnak he a hlatnak ah an hrial. Sining hmuhsaknak hnu an zulh. Dawtnak kha hnulei an chit.

Dawtmi caah fahnak ing lai kha, mah `thathnemnak ngol lai kha a `tihmi hna cu a nuammi chungkhar an ser kho lailo. Zeicahtiah dawtnak taktak an ngeihlo caah asi. Cu mihna cu mah calawng an ruattawn. An ral a chia tawn.

Dawtnak taktak a ngeimi hna nih cun an dawtmi caah a nganngai mi pumpeknak an tuah kho.

A nganmi duhdawtnak a ngeimi hna, dawtmi caah pekchanhnak tampi a pek khomi hna lakah pariatnak Edward Siangpahrang (1894-1972) cu a cungbik pakhat asi. Amah cu mi sawhsawh nuhmei nute Miss Simpson kha dawtnak taktak in a rak duh.

Culio England ram upadi ningin siangpahrang chungkhar asimi Edward singpahrang cu mi sawhsawh nu he `thitumnak nawl a rak umlo. Lehthah a duh asiahcun siangpahrang sinak kha a hlawt a hau.

Edward-viii siangpahrang cu siangpahrang sinak le a dawtmi kha an thimter tikah a dawtmi tu kha a rak i thim. Cucaah 1936 kum December (10) ni ah siangpahrang cannak in a rak i din. Huham nawlngeihnak, chawva rumnak he a tling cikcek mi siangpahrang inn kaltak khawhnak cu dawtnak taktak a rak ngeihlo ahcun asi kholo. Amah i a nganmi kaltaknak, dawtnak cu tuanbia ah biapi ngaimi a rak si. Chungkhar ngeicang mi hna zong siangpahang Edward-viii bantukin dawtmi caah pumpek ngammi dawtnak phun kha ngeihve a hau. Thang`that awktlak dawtnak phun asi.

Add new comment

13 + 5 =