Falehna Fimchimhnak (apek)

pangpar an uai, rili a kang

Fale zohkhenh cawmkennak le Fimchimhnak kong (apeh)

Minung cu theih hngalhnak a ngei. Khua a ruatthiam. Asinain ahmaan tein le ningcang tein khua ruahthiam a hau. Ahmaan mi ruahnak a chuahcangka nunnak lam a ding ve lai.
    A palhmi theih hngalhnak, ningkel lo khuaruahnak cu `tihnung asi. Nunning ziaza lei le ahmaannak lei hna ralchanh ter ding kha tha a pek.
    Cucaah palhmi theihngal fimthiamnak nunning ziaza he a ralchanh mi fimthiamnak hna cu pakhat cio caah siseh, vawlei mi pumpi caah siseh chiatnak a siter.
    Sivai vialte lakah sivai ah a palhmi, ningkel lo asimi nun ziaza he a ralchanhmi nunzia le khuaruahnak hna cu a nganbik `tihnung ral asi. 
Bianaah, Ahmaan lomi theihngalhnak a phawtzamhtu fasit Nazi vuadah, communist vuadah hna hmai ah minung nuai tampi hna cu harnak ril chung an i paih cio.
    Dinfelnak,dawtnak le nunning ziaza kha hrambunh mi chungkhar hna cu an rak rawk. Dinfelnak, biakam tlolhnak, hawikom `tha silonak hna hrambunh mi hawikomh hna cu a rak rawk.
    A hlatuk tilo mi hmailei chan ahcun Catholic mino hna cu Bupi caah a sunglai mi `tuanvo hna kha  siang thleng in `tuanvo an lak cang lai. Nihin Catholic mino hna cu hmailei caan Bupi le mahle minung phu sernak dal ah abiapi hmun in aa tel dingmi ah i chiahmi `thawnnak thazaang ngeitu an si.
    Ahlun ahlun an dongh hnu ah athar athar hna nih hmunhma lak zungzal asi tawn. Hihi cu kokek upadi asi.
    Hnah-ro hnah-hlun hna kha hnahhring hnah thar hna nih hmun an lak. Tlakrawh inn hlun, inn rop hna i hmunhma cu tlakrawh thar, tlakrawh `tha hna nih hmunhma an lak.
    Cuve bangin a tarcang i `tuanvo a tlinh cang mi kum upa hna hmunhma kha `thawnnak thazaang a khat i lungthawh `tuanvo a theimi mino pawl nih `tuanvo an lak lai.
    Hmunhma rolh a umlo ahcun phu pakhat cu a `thangcho bal lailo.
    Vate hna nih vandum kha an dawhter. Ngafa tete hna nih a kaungai mi rili dum kha an dawhter bantukin mino thisa thar hna nih minung umnak vawlei le Bupi kha an `tamh mawih lai.
    Nihin mino cu hmailei ah upa an site lai. A tla hnga mi nika, a ziam ding mi pangpar, a car ding mi ti hna cu khawmhkhawh an silo bantukin mino sinak in upa silainak cu khamhkhawh mi a silo.
    Everest tlang cu a sangtuk. Van cu Everest tlang nakin let tampi a sangdeuh. Cucaah tefa thar Catholic mino hna dinfelnak, an i zuammi lungthin `tha ngai hna cu van nakin sangdeuh ter duhnak saduhthah asi. Nihin mino ngaknu tlangva hna lungput sangdeuh khawhnak cu ahmaan mi khuaruat thiamnak le nunning ziaza `hatnak cungah aa hngat mi a si. 

#Kan peh`tha telai>>>>

Add new comment

2 + 17 =