Mino le Bupi

MINO LE KHRIHFA BU (BUPI)

Mino hna vasi ahcun mahle Khrihfabu kong kha ṭhatein theih awk asi. Catholic Khrihfabu cu vawlei cungah Khrihfabu nganbik asi i Khrihfa milu nuai (1,200) leng an um. Tulio ah Pope Benedict (16) nak nih a hruai i a kan uk.

Bawipa Jesuh Khrih hrimhrim nih a dirhtak mi adik ahmaan mi Khrihfabu pakhatte asi.

Catholci mino timi cu Khrihfabu chung i a ummi biaknak ukchung (Diocese) kipin chungtel sinak in aa tel i hmunṭhu siangbawi asiloah mino ṭuanvo latu siangbawi i hmuhsaknak in thathawh lungtho tein a cawlcangh mi hna kha auh mi asi.

Catholic mino phu timi cu biaknak ukchung kip ah a um. A phu i tinhmi cu mino hna Khrihfa ṭha pakhat sinak in an nung i an ṭhutdir thiamnak ding, an zumhnak afek a ṭhawnnak ding, dawtnak, zawnruahnak, midang teinak ca lawmhpinak hna tiah lungthin ṭha he minung chungkhar an nun thiamnak ding zohkhenh piak, bawmhchanh piak ding kha asi.

Catholic mino bu vasi ahcun Thlarau kongkau, zatlang nunphung zaang lentecelhnak le ca le nunphung, fimthiamnak lei hngalhtheihnak le adikmi khuaruah tuaktan theihhngalh fimnak hna a ṭhancho i a karh dingah program hna chiah i tuahkel tuah lengmang in cawn asi.

Catholic mino hna cu biaknak pengdang i a ummi Catholic mino hna he iton in hawikomhnak caanṭha tampi a um.

Mino cawnnak hna, ṭthalcaan camp khumh timi hna in mino pakhat le pakhat tonter, biaruahternak hna cu mino hna caah mit au, hnarvang, mah le thil tikhawhnak santernak caanṭha hna hmuh asi.

Mino pakhat le pakhat i ṭhencheuhnak, lamṭha i hmuhsaknak, zohchunh tlakmi i laaknak, fah innak, thil tikhawhnak hmuhsaknak hna cu aa hngilh lio mi mino pakhat kha a ṭhanghter. Ahnuh ahcun a tangrih hmanh ah mah le mah kha ralring i pek bantuk asi.

Mino hna cu hmailei hruaitu an si. A kangh dingmi meiṭil senderdur an tibang mino pakhat le pakhat an iton tikah mah le mah tikhawhnak thazaang ka ngei tiah aa ruahmi hna hmanh, keimah nakin thil tikkho deuh mi, a zuum deuhmi an va um hita tiah hmuhnak a kauter.

Mino cawnnak hna cu mino hna i tikhawhnak kha langhter hmuhsaknak hmun an si. Pengkip hmunkip in mino hna an i fonh i caantawi chungah tuah ding mi ṭuanvo hna, zuamnak hna kha sullam fianter an hmuhsaknak hna cu khuaruahhar asi. Mahte, mah pakhat lawng tein kan ruah tuah tikah, zeitin hmanh in asikho bal lailo tiah kan ruah nain, mino hna hmai le hmai i tonh in biathli i chimh an i khawmh caan ahcun zeizongte hi an si kho dih tiah an theih te lai.