Mithiang Joachim le Anna

July, 26

ST. JOACHIM LE ANNA (Kum zabu pakhatnak)

(MARIA I ANU LE APA)

            Kan nu Bupi nih cun mithiang Joachim le mithiang nu Anna hna kha nungakthiang Maria i a nu le a pa tiah a upat mi hna an si. Anmah kong kha mithiang James i cakuat ah kan hmuh khawh. Mah Bible cu St. James nih kum zabu pahnih ah khan a rak `ial. A si kho bikmi cu Grace (Thluachuah) tiah sullam a ngei mi Anna kha Vancungmi nih vawlei pumpi nih an thang`hat hnga mi nungakthiang kha na pawilai tiah a rak chim. Kum zabu 6 ah Constantinopel khua ah Biakinn pakhat kha amah minin pekchanhnak an rak ngei. Chanlai zabu ahcun mi hna i upatnak kha tampi a hmuh. Mithiang Joachim tu cu kum zabu 16 thawk lawngah upatnak kha a hmuh. Amah cu Maria a ngakchiat lioah Bible thiang rel awkah a cawnpiaktu a si an ti.