Mithiang Martha

July, 29

ST. MARTHA (Kum zabu pakhatnak)

(ATHIANGMI NU)

            Mithiang nu Martha cu Maria Madelena le Lazaruh i an u nu a si i Jerusalem khuapawng Bethany khua fate pakhat ah a rak um. Bawi Jesuh Khrih nih a dawt ngai hna i atu le atu a va leng tawn hna. Nikhat ah Martha cu mileng hna caah a herhmi a timhtuah lioah Jesuh Khrih kehram ah a `hu i bia a ngai mi a nau nu ruangah lungnuam loin a um. Asinain Jesuh nih a timi cu “Martha, Martha, thil tamtuk ruangah na lung re a thei i na ing a puang. Sihmanhsehlaw a herh taktak mi cu pakhat lawng a si ko. Mary nih a hmaan mi thil cu aa thim cang i cucu ahohmanh nih an chut lai lo,” tiah a ti (Lk; 10:42).

            Lazaruh fakpi in a zawt lioah a u nu hna nih Jesuh kha an auh ter. Asinain Bawipa saya a rak phanh tikah cun Lazaruh cu thlanchung ah nili hmanh a um cang. Martha nih kan sinah rak um ve law cu kan `apa Lazaruh cu a thi hngalo tiah a phunzai len. Bawipa Jesuh Khrih nih “Kei cu thawh`hannak le nunnak ka si. Keimah a ka zummi poah cu thi hmanhhnasehlaw an nung lai” tiah a rak ti. Jesuh cu thlanah a va kal i “Lazaruh, rak chuaktuah” tiah fakpiin a auh (Jn; 11:1-44). Cu tikah a thicia mipa cu a nung in a rak chuak. Inn chungkhar rian a tuaitam mi nu hna i hmaikaltu a simi mithiang nu Martha cu rawlchuangtu hna zohkhentu tiah thanhnak a hmu.

Download:Audio icon st._martha.mp3

Add new comment

1 + 2 =