95 Theses (79-82)

A theilo mipawl

79. Thawng`tha bia chimtu an um lo ruangah, Jesuh zumhlo in a thimi pawl lakah thil`tha tuah in minung a daw taktak mi pawl le bu `then`thek chungin a thimi hna lakah Jesuh a zum taktak mi le minung a daw taktak mi pawl hna cu an theihlo hmanh ah an tuar `thiam`thiam lai (cf; Lev. 5:17). A sinain, hell ah din deuh in an tuar lai (cf; Lk. 12:47-48). Mi `tha hna ca hmanh ah vanram hmuh khawh a har ngai ko a timi lakah hi hna pawl hi an i tel ve (cf; 1Peter 4:13).

Lev. 5:17 “Mi pakhatkhat nih zei theihlo in Pathian nawlbia a buar sual a si ahcun, thil `halo ka tuah ti a theih lo hmanh ah a sualman cu a liam lai.”

Lk. 12:47-48 “Asinain a bawipa nih tuahter a duhmi a theilo nain thil pakhatkhat a tuahtu sinum cu dindeuh in vuak a tong lai.”

1Peter 4:18 “Mi`tha ca hmanh ah vancung ram ngah hi a fawi lo.”

Judah mi a si ngaingai lo mi pawl

80. Bu `then`thek pawl cu “Jesuh zumtu kan si” an ti ko nain an sinah Jesuh a umlo ruangah (cf; Judas1: 19) Judah mi taktak an silo. Satan ta an si ruangah vanram an ngah kho lai lo (cf; Bia. 2:9).

Bia. 2:9 “... Judah mi ka si an ti nain a si taktak lo mipawl nih nan thang an in chiat hna ka theih ko. Annih cu satan ta an si”.

Vanram an ngah lai lo

81. Sualnak cu thihpi a tlak sualnak (sualpi) le thihpi tlak a silo mi sualnak (sualte) tiah phunhnih a um (cf; 1Jn. 5:16). Bupi `then`theknak cu thihpi tlak sualnak asi i vanram an ngah kho lai lo tiah Saint Paul nih atu le atu in a chim (cf; Gal. 5:19-21).

Gal. 5:19-21 “… Cun minung taksa duhnak nih a tuahmi pawl hna cu nupa sualnak….. hornak...thinhunnak… Bu chung in i `thennak, Bupi then`theknak… lainawnnak, zurit nak...hna an si. Ralrinnak bia a hmasa ah ka chimcang i atu zong ah ka nawlh `than lai, cubantuk a tuahtu hna cu Pathian pennak an co kho lai lo.”

Vanram an co lai lo

82. Bu `thennak a tuahtu pawl cu bu ah khamhnak a um lo tiin Khrih Thawng`tha kha a ping le a pang in an phuan i Bawi Jesuh an hlot ruangah (cf; Judas 1:19) chiatserh an tong lai. Vancung ram an co lai lo tiah Cathiang nih hlanlio piin a rak chim chung cang (cf; Judas 1:4)

Judas 1:4 “….Zeicaah tiah cun kan lakah hin Pathian zei a rel lomi kha kan hngalh loin an lut i anmah ziaza `thalo thuhphenhnak caah khan Pathian vel kong kha a hmaanlo ning in an chim i kan uktu le kan Bawipa a simi Jesuh Krih kha an hlawt. Hibantuk mi hna cu sualphawt an si lai ti kha Cathiang nih hlanlio piin a rak chim chung cang.”