95-Theses chung i Jesuh Thla cam timi

BUPI PAKHAT LAWNG
Tuukhaal pakhat Tuuruun pakhat
35.     Jesuh nih zential (gentile) mi le Judah mi pawl cu ka komh hna lai (cf; Gal. 3:28), uktu Bawi a simi Tuukhaal pakhat tang ah Tuuruun timi Bupi pakhat chungah ka khomh dih hna lai  tiah a ti (cf; Ezk. 37:24; Jn. 10:16).
Gal. 3:28     “Judah mi le zential mi tiah thleidannak a um ti lai lo,..nan zapi Khrih Jesuh he nan i pehtlaihnak thawngin Khrih chungah pakhat nan si lai.”
Ezk. 37:24     “Uktu Bawi pakhat tangah an i komdih lai.”
Jn.10:16     “Hi tuuruun chung i aa tello mi tuu dang ka ngei, an nih zong kha ka khomh dih ve hna lai i Tuukhal pakhat tangah tuuruun pakhat ah an cang lai.”

Jesuh thihnak
36.    Jesuh a thihnak cu amah a zumtu pohpoh Pentecost ni thawk in a chuak mi Khrih a Bupi chungah khomh dih an si lai (cf; Jn. 11:52). Cu Bupi chung ii a lutmi hna cu, Jesuh thihnak ah an i tel ve i, Jesuh thawh`thannak zong ah an tho`than ve lai (cf; Filipi 3:10-11). Aa `then mi bu pawl cu Jesuh thihnak he an i kalh cang i Lamkaltu hna an zulh mi le an tuah mi  Khrih Bupi kha an hlot caah  (cf; Lk. 10:16) Khrih nih a hlot ve hna lai. Cucaah, Jesuh thihnak ah an i tel lo i Jesuh he nunnak zong ah an tho lai lo (cf; 1Tim. 2:11-12).
Jn. 11:52     “A thihnak a ruang cu ... hmunkip i Pathian minung aa `hek dih mi hna pumkhat ah khomhnak ding ca zongah a si.”
Phi. 3:10-11 “Ka duhmi cu Krih ... a tuarnak le a thihnak zongah i tel ve         ning law thihnak in nunnak ah thawhter mi sive awkah kaa ruahchan mi cu a si.”
Lk. 10:16     “Nanmah an hlawtu hna cu Keimah aa ka hlaw mi an si.”
1Tim. 2:11-12    “Amah he kan thih ahcun a nun zong amah he kan nung ve lai......Amah kan hlawt ahcun Amah zong nih a kan hlawt ve lai.”
 

Jesuh thla a cam
37.     Kan Bawipa Jesuh cu harnak a tuar hlante ah amah a zumtu vialte kha hi vawlei ah hin Bupi pakhat chungah pakhat taktak si hna seh tiah vei tampi “Nolh” lengmang in thla a cam (cf; Jn. 17:20-23; Jn 17:11).
Jn.17:20-23 “Anmah ca lawngah thla ka cam a si lo. An bia theih in Keimah aa ka zum ding mi hna ca zongah thla ka cam.  An zapi in pakhat  an si khawhnak ding caah thla ka cam.. Nangmah nih na ka thlah ti hi vawlei nih a zumh khawhnak hnga caah annih cu pumkhat ah cang hram hna seh. Nangmah le Keimah cu pakhat kan si bantuk in anmah zong pakhat an si ve khawhnak hnga Na ka pekmi sunparnak kha anmah zong ka pek ve hna. Anmah pawl cu pakhat taktak an si i cu ticun.....”.
Jn. 17:11     “Hi vawlei i a um lio mi hna kha pakhat an si khawhnak hnga  rak huppheng hram ko hna.. tiah Jesuh nih thla a cam.”
 

Cite
38.     “Cite hi a `ha. Sihmanhsehlaw a alnak kha loh ter hlah u ati mi cu pakhat le pakhat i kom u law bu `hennak chuahpi hlah u a ti duhnak a si”(cf; Mk. 9:50).
Mk. 9:50     “Cite cu a `ha. Sihmanhsehlaw a alnak a loh ahcun zeitindah al ter `than khawh ti lai? Nan chungah cite kha i ngeih u law pakhat le pakhat i rem tein um u?’ tiah a ti.”
 

Bawi pakhat, zumnak pakhat, tipilnak pakhat
39.     Jesuh a zumtu vialte pakhat taktak si hna seh tiah a timi cu Bawi pakhat, zumhnak pakhat, tipilnak pakhat si hna seh a ti duhnak a si (cf; Eff. 4:5). Bawi pakhat a timi cu kan Bawipa Jesuh lawng biak ding a si i “Jesuh dang” biak ding a si lo (cf; 2Kor. 11:2-4) a tinak asi. Zumnak pakhat lawng a um a timi cu a hmaan mi zumnak hrampi (cf; Titus 2:1) a simi Lamkaltu  hleihnih hna i  “a sunglawi mi zumnak” (cf; 2Pet. 1:1) “CREDO” lawng a um a tinak asi. Tipilnak pakhat lawng a um a timi cu  Pentecost ni ah Lamkaltu hna nih hram an thawk mi Bupi chung ah mi (3000) nih an in mi tipilnak lawng a um a ti nak a si. Bu dang tuah chawm mi ah tipilnak a ngah lo tinak a si.
Jn.    17:20-23 “...Pakhat taktak…”
Eff. 4:5 “Bawi pakhat a um, zumnak pakhat a um, tipilnak pakhat a um…”
2Chan. 11:4     “Kanmah nih chim mi si lo in Jesuh dang…”
Titus 2:1      “Ahmaan mi zumhnak hrampi….”
2Pet. 1:1     “A sunglawi mi kan zumhnak.”

Jesuh min in kan nawl hna
40.    Bupi chung i Thlarau lei a kan hruaitu Siangbawi pawl, Sister pawl, Saya pawl le Khrihfa upa hna cu Bupi caah rian`tuantu an si caah kan upat ngaingai hna awk le kan `tihzah ngai hna awk an si. Cuticun Bupi chung ah daihnak le rualremnak a um lai (cf; 1Thes. 5:12-13). Bupi rian`tuantu hna an bia al lo tein le cuti cun `then`theknak a um lonak hnga caah kan Bawipa Jesuh Krih min in kan nawl hna (cf; 1Kor. 1:10).
1Thes. 5:12-13     “Ka u le ka nau hna, Khrihfa nitin nan nunnak ah an hruaitu hna le an cawnpiaktu hna kha upat hmaizah hna u. Nanmah lak ah daite le     remte in um u.”
1Cor. 1:10 “    Ka u le ka nau hna, nan lakah `then`theknak a umlonak hnga thinlung rual tein um hram ko u tiah kan Bawipa Jesuh Khrih min in kan nawl hna.”

Add new comment

6 + 8 =