Bawipa Zaanriah

Tuufa zaanriah

CHUNGKHAR A BIAPIT NING
Eucharistic Prayer (Changreu le mitsur he pehtlai in thlacamnak)

Eucharistic Thlacamnak cu kannih kan Pa tiin kan zulh, hihi cu Jesuh nih a kan cawnpiak mi thlacamnak a si. Hlanlio biaknak phungchung ahkhan kan hmuh, Missa raithawinak kong kan theih tikah hi thil nih hin a `thadeuh ngai mi theihnak kha a kan pek. Missa raithawinak cu vawlei Vancungkhua a si timi cawnnak ahhin a theih tlei khun. Tipil kan innak cu Pathian fa sinak in kan tharchuah. Cu zongah cun “Kan Pa” kan ti khawh. Atu ah Amah he Vancung khua ah kan um, kan thinlugn zong kha kan thlir ve. Missa raithawinak thla kan cam tikah a min kha hawi sinak ah kan hman. Jesuh nih kan ca i rai a thawinak ah lungthin khatin kan um. Hihi kan ca i “a zungzal raithawinak” a tuah mi a si, kan hmuh khawh cang mi ah “Pathian nih a duhnak cu, Vancung ah a tlin bantukin, Vawlei ah tlinter kha a si”. “Kan ngeihmi cu Jesuh, nifa te kan changreu kha a si” i hi changreu nih hin “Kan sualnak kha a kan ngaihthiam lai” zeicahtiah A thiangmi Bawipa zanriah nih kan sualnak vialte kha a hnawh dih.

Zaangfahnak kong kha kan theih, cun, kan cung i sualnak a tuah mi hna cungah zaangfahnak le ngaihthiamnak kha kan langhter lai”. A thiang mi Bawipa Zanriah thawngin, tukforhnak le `thatlonak cungah thazaang thar kan lak kha kan hngalh lai. Missa raithawinak nih Bawipa thlacamnak kha, a bia an hman mi in a tlinter. “Nifate changreu le Eucharistic changreu kan hmai i a ummi an i pehtlaihnak karlak ah hin chim `thattuknak kha kan tuah kho lo. Kannih kan pa kan ti mi bia `tha ngai mi ahhin, Bible ca a thiam ngaimi Siangbawi Raymond Brown nih a langhter mi ah hi thil cu mi a khuhnenhtu hlan Khrihfa mi hna i zumhnak a si, tiah a ti. “A `tha mi cu a um ko, Bible cahlun i Manna changreu le Bible cathar i Eucharistic changreu an i pehtlaihnak cu zaangfah nawlnak kha an si veve ko.

Cuti cun, kan Pa sinah “Nifatinte rawl kan pe ko sawh” kan ti tikah mibu hna cu bia kha hmanawk Eucharistc (changreu le mitsur hang) he aa pehtlai mi kha an kawl. Cu bantukin kanmah Rom mi hna biaknak phung zong hi a hramthokte i rak hngalhmi zaangfah nawlnak he aa hlattuk lai lo. [Kan Pa] tinak kan ngeihmi nih Missa raithawinak Bawipa Zanriah kong kha a fianter i a theihhngalh.
    Cu a si caah “Bawipa Zanriah einak Phung” kan vun thok tikah, a hramthok tein a rak ummi `thawnnak a ngeimi bia Bawipa Zanriah i, i pehtlaihnak kha kan thlau lai lo. Jesuh chan lio ahcun, bia (Greek holh in, Koinonia) an timi chungkhar biakamnak kha an rak hman lengmang. Bawipa Zanriah he, kan biakamnak kha zungzal chungkhar hna he kan tharchuah, cu chungkhar cu Pathian a si i hi vawleicung ah Pathian chungkhar in kan um, Khrihfa bu kan si. Daihnak Hmelchunhnak chung i a um mi, Khrihfa bu he kan i pehtlaihnak kha kan langhter. Hi hlanlio phungah hin, “Jesuh duhnak kha kan tlinter” nawlpek mi ah khan innpa hna he rem daihnak kan tuah, hi zong hi biak`theng i kan kal hlaan deuh ah khan a si. (Matthai 5:24) kha zoh.

A vunchangtu kan thlacamnak cu “Pathian Tuufa” Lanhtak puai raithawinak i “zaangfahnak” le “daihnak” kha vun theih `than mi a thar Lanhtak puai kha a si. Tlangbawi pa nih, changreu kha a vun cheu i cungah a thlir... Tuufa pakhat “an thah cang mi bantukin a dir” (Biathlam 5:6). Cun Tipil petu John bia kha a vun chim: “Mah hi Pathian Tuufa a si”(John 1:36) kha zoh. Rom ralbawipa bia ningin kan vun leh khawh. “Bawipa, keimah cu nangmah ton awkah ka tlak loh, cu a si caah bia lawng vun chim ko... (Matthai 8:8).

Cun A thiangmi Bawipa Zanriah einak ah khan kan hmuh, Amah cu Gloria ah khan kan thang`that i biaknak phung ruangah khan kan au! Kan ton, a hmaika ah khan chiatserh biakamnak kan ngei! Amah kha kan cohlan, Amah cu Biakam Thar minung tuanbia kha a hngak pengmi a si! Can dongh tik i Khrih a rat tikah, Atu te a ngeihmi sunparnak nakin dorkhat zong, tam deuh in, a ngei hlei lai lo, zeizong vialte kha amah caah kan hman tik zongah! Eucharist changreu le mitsur hang ahhin, zungzal kan si dingmi kha kan hmuh, Vancung khua i an kan lak tik zongah, Tuufa nupi `thitnak puai zanriah ah kan i tel ve lai. Athiangmi Bawipa Zanriah hmannak ah kan um cia cang. Mah hi cu tahchunhnak a si lo. Mah hi cu a dai i, tuakcang mi, a fiang mi, biatak, Jesuh Khrih nih a kan cawnpiak mi a si.

NANGMAH CU VANCUNG AH THLAHMI NA SI

Rian nih a tamtuk i a rih tuk tikah, Missa raithawinak zong kha chikkhatte ah a dih ve- thluachuahnak he “Missa raithawinak zong kha a dong a dih ve. Dai tein kal”. Thil dang he aa lo lomi bia ah, “Missa raithawinak” rian`tuannak cu hi a rian a rang i a hnubik bia ah khan a phan lai: Ite, Missa est (A duhnak cu “Kal, thlah na si cang”) ti hi a si. Asinain hlanlio mi nih an theihmi ah Missa raithawinak timi a sullam cu thlah tinak kha a si. A hnubik i cathlang rin cu mibu ca i rian `tuannak siloin rian in i phuahnak tu kha a si. Kanmah cio zong Khrih raithawinak caah kan lung kan i pakhat dih cang. Atu ah Missa raithawinak cu kan kaltak cang, cu zong cu thukdeuh in nunnak ca le, raithawinak, atu kan tuah cangmi zongah, a sawhsawh nunnak huham he inn ah siseh, hi vawleicung ah siseh kalpi hna u sih.

Add new comment

2 + 13 =