Khrih Raal

Khrih ral 666

KHRIH RAL
Jesuh a bawm lomi
50.    Jesuh Khrih a thihnak cu amah a zummi vialte Bupi pakhat chungah hmunkhat tein khomh dih ding a si nain (cf; Jn. 11:52) bu `then`theknak a tuahtu pawl cu `then`thektu deuh an si. Jesuh Khrih an bawmh lo ruangah Jesuh `tanh loin  satan tu an `tanh  caah Jesuh dotu Khrih ral an si (cf; Mt. 12:30).
Mt. 12:30     “Keimah aa ka `tanh lo mi cu ka ral an si; pumhkhomh a ka bawm lo mi cu `thektu an si.”

Ral tho pawl
51.     Pathian thlahmi Moses an duhlo ruangah ral an tho i `then`theknak a tuahtu Korah le a zultu hna cu Pathian ral an si. Cubantukin Jesuh thlahmi Lamkaltu pawl tuahmi Khrih Bupi an duhlo ruangah ral an tho i `then`theknak  atuahtu pawl cu Khrih ral an si (cf; Judas 1:11).
Judas    1:11 “An caah `tihnung a vasi dah!....Korah bangin ral an tho.”

Khrih Ral
52.     Bupi cawnpiaknak zulh a duh lomi hna cu Pathian ngei lomi an si i  adiklo mi thlarau a ngei mi an si (cf; 1Jn. 4:6). Cu hna nih cun Bupi kha an zamtak i Khrih ral ah an cang. Khrih ral a simi bu `then`thek pawl cu an hmuh ding mi a fiang cang (cf; 1Jn. 2:18-19).
1Jn. 4:6     “Pathian mi a silo mi poh nih cun kan bia an ngai lo. Cu caah hihi biatak Thlarau le palhnak thlarau kan thleidan khawhnak lam cu a si.”
1Jn. 2:18-19  “Khrih ral a ra lio, tiah nan theih i atu ah hin Khrih ral tampi an hung chuak cang; cucaahcun a donghnak cu atu hi a si cang ti kha nan hngalh. Hi hna hi kan Bu chungmi ngaingai an rak si bal lo.”

Nu tefa le rul hrinmi hna
53.     Pathian nih vawlei cung minung hna hi phu hnih ah a`then. Phukhat cu Pathian biakam a zulmi le Jesuh phuanmi biatak aa bochan mi Nu i tefa an si (cf; Bia. 12:17). Adang phukhat cu satan a simi (cf; Jn. 8:44) Rulpi  hrinmi pawl an si (cf; Mt. 3:7). Rul hrinmi pawl cu an chungah Jesuh a umlo ruangah Nu Mary cu “ka nu” an ti duh lo. A cheukhat hna nih cun, Nu Mary cu an nautat, an thangchiat lengmang i amah Nu i a tefa le zong kha an huat dih hna i an do zungzal hna caah Khrih ral an si (cf; Bia. 12:1-18).
Rev. 12:17     “Nu tefa pawl, Pathian biakam a zultu le Jesuh phuanmi biatak aa bochan mi pohpoh...”
Jn. 8:44      “Jesuh nih ...’Nannih cu nan pa Satan  fate nan si’ a ti.”
Mt. 3:7 “Rul hrin, mi hrokhrawl hna…”
Bia. 12:1-18 “… Nu pakhat a lang i a thuam cu ni asi, a ke tangah     thlapa    a chiah, Arfi hleihnih in tuahmi Siangpahrang luchinh aa chinh. Cun miphun vialte thirfung in a uktu ding Fapa kha mah Nu nih cun a hrin.... Limkeng cu mah Nu cungah cun a thin a hung tuk i a tefa hna nih Pathian biakam a zulhtu le Jesuh phuanmi biatak aa bochan mi vialte doh awk ah aa thawh `than. Cuticun tiva ralkhat lei ah limkeng cu a dir ko.”

666
54.     Tiva ral lei i a dir mi limkeng tefa pawl a simi, Bupi a zamtak mi  pawl, bu `then`thek pawl cu Khrih ral an si i (cf; 1Jn. 2:18-19), an number cu (666) asi (f; Bia. 13:1-18).
1Jn. 2:18-19     “Khrih ral a ra lai ti nan theih, hi hna pawl hi kan mi ngaingai an si lo ruangah an kan zamtak...”
Bia. 13:1-18    “Cun ti va ral khatlei in Sahrang a hung chuak .... a namber cu 666 a si”.  
 

Add new comment

7 + 10 =