Lai Nunphung (Ben le Fial)

Kharh ham

Ben, Fial
    Nu hi a cutzat hlan in mah chung i pehtlaihnak, i philh thlaulonak ah tiah hmet tein i kharh i ham hi a um tawn. Cubantukin an i kharh, ham i nu nih a cutzat tikah a rak hamtu tlangval kha a duhlo naiin, nulepa bia al sianlo ah, i hnek le vat a um tawn. Cheukhat cu nlepa an `tihzah hna i bia an al ngam hna lo caah an thih hlan a va sinah lung nuamlo buin khua a sami zong an um ve. Cheukhat nih tlangvalpa i a chawva ruah ah chawlehnak ah an hman hna i an nunchung mitthli le hnapduk thong ah an thlak hna. Hlanlio deuh ngaingai ahhin cun nulepa bia hi nu nih lonh dih ngaingai hi a umlo caah nu an nun hi ngaihchia ngaingai ah an rak cang.
    Sangtechung That Kung far cu kum hra a tlin tikah Hnaring khuami Run Nawl caah an `thit. Kum thum a va um i a kir `than. A va kha a duhlo caah asi. A nu le a pa nih kal cu an fial `than i kum khat a va um hnu ah a rak kir `than. Hringtu a nu le a pa nih an tilben `than hoi i cutikah a khua le a ram Hakha khua cu a kal taak i a va sinah a um colh. 14
    Sangpichung `Tial Sui zong nih Sakta khuami a vapa Ngun Keng kha a duhlo i Hakha ah a zam taak. `Tial Sui cu a pa nih a velh i a va sin kal cu a fial `than. `Tial Sui nih kal duhlo in a chang, aa benh peng i a kal duh tilo caah kir ah a tla. Cucaah `Tial Sui a pa nih Ngun Keng cu man a khirh dih. 15

Leet man
    Ar-ah cangmi nu pakhat nih hamcang mi a siko nain biakamnak kha a lonh i duh dang a ngeih ahcun man an manh cangmi kha a khirh lengah siapi kun, man a manh zatcia kha tlangvapa kha a liamh lai.
    Mizapi caah cun leetman cu phunthawh he aa tia. 16
    Sangtechung Mang Kung nih Siangpichung Pu Sui Lian farnu `Tal Chin he hnatlaknak ar an i ah. Asinain nulei nih biakamnak an buar caah Mang Kung kha leetman ah siapi an liamh. 17

#Credit Stephen Ni Kio
 

Add new comment

7 + 2 =