Lu a ngeilo hmanhah phung a chimtu

Mithiang Denis

Lu tanpiak a si hnu ah phung a chimtu mithiang

Hihi lu tan a tuar hnu ah phung a chimtu mithing kong asi. Mithiang Denis cu lutan a tuar hnu ah a lu kha a char i sual ngaihchihnak kong he pehtlaiin phung a chim. Hi kong asinak caan cu Roman Emperor Decius kuttang ah Catholic zumtu pawl a hremlio ah asi. Mithiang Denis kongkau tlawmte lawng kan theih. Asinain anih hi AD kum zabu (3) lio i Paris Bishop a si. Pope Fabian uk asi lio ah Gaul hna lung i thlen dingah Italay kalter asi i “Gaul hna i Lamkaltu” pakhat siternak a hmuh.

Amah cu Seine Tiva Ile de la Cite – Tikulh Khuapi’ cungah Mithiang Rusticu le Eleutherius hna he an pem. Denis le a hawilehna nih thawngṭha phuan thiamhnak kha an kaltak, cucaah zumhnak ngeilo mi Rome lei hrutu hna nih annih zultu hna an i sunghnak kha an hngalh caah annih hna zumhnak pomding ah an har cang.

Rome hmun uktu nih trio tlaihding le thawngthlak ding nawl a pek. Paris i tlang sangbik cungah a lu an tan i nihin ah Martar hna Tlang; Montmartre or ‘Mountain of Martyrs’ tiah theih asi.

A thiang phunglam nih a tlaihmi cu lutan a si hnuah, cucu a char i tlangcung a sannak hmun in meng tampi a kal i lamtluan ah sual ngaihchihnak phung a chim a ti. Phung chim adihnak hmun ah a thi timi cu Shrine hmette nih hmelchunnak a langhter. Nihin ah cu Shrine cu The Basilica of Saint Denis tiah theih a si. Cu hmun cu kum zabu 10 – 18 tiang, France siangpahrang hna vuinak hmun asi.

Mithiang Denis hi minthangbik cephalophore- abiafang ningte in “lu phortu” tiin hagiology ah hmanthlak a suai. Amah i tluklomi martar asinak cu tuahbia chung lakah hmanthlak suaithiamnak i ceihmi ah a cang i lungrang ah hmanthlak suai a si. Mithiang Rusticus le Eleutherius hna he a puaini cu October ni 9 ah tuah asi.

https://bit.ly/3EyyqEH

Add new comment

1 + 0 =