Pathian Dawtning a Peh

Korah i dodalnak le vawlei nih a dolhnak

Korah bantukin

76. Pathian thlahmi Moses a dotu Korah cu lei-kak nih a dolh bantukin, Jesuh thlahmi Lamkaltu hleihnih a domi, bu `then`thek pawl hna an thlarau cu leikak nih a dolh ve hna i Korah bantukin vanchiat an tong ve (cf; Num. 16:1-30, 31-33; Judas 1:11).

Num. 16:1-30.31-33 “Cutin a chim dih tikah, Dathan le Abiram an dirnak vawlei cu a kak i anmah le an innchung khar pawl le Korah le a zultu pawl le an thilri vialte kha lei nih a dolh dih hna. Cun lei cu aa cip `than.”

Judas 1:11 “Korah bantuk in ral an tho i rawhralnak an phan ve .”

Saram bantukin

77. Cawnpiaktu hmaanlo bu `then`thek pawl cu ruahnak a ngeilo mi an si i saram bantukin an thinlung i a chuak mi paoh kha an tuah. Cucaah an thlarau cu saram bantukin thah an tong ve te lai” (cf; 2Peter 2:12).

2Peter 2:12 “Cawnpiaktu palh pawl cu ruahnak zeihmanh an ngei lo, an thinlung chung i a chuakmi poh kha an tuah i saram bantuk an si caah, thah an si ve te lai”.

Thlarau ngandam lomi pawl

78. Satan biathli thuhmi nih (cf; Bia. 2:24) an mit a huh i an hna a phih mi pawl hna cu, Thiang Thlarau chan ah bu `then cu Jesuh nih a duh hrimhrim lo timi kha Bible ah an rel len nain na hmu kho hlei lo, an ngaih len nain an thei kho hlei lo. Zeicaah tiah cun an thinlung a pit ruangah thlarau ngandamnak an hmu kho lo i hell ah a zungzal in harnak an tuar lai (cf; Lam. 28:26-27).

Lam. 28:26-27 “Nan ngaih len na in nan thei lai lo, nan zoh len lai nain nan hmu lai lo. Zei caah tiah cun, an thinlung a pit i an hna a chet i an mit a caw. Cu lo ahcun an mit an hmuh lai, an hna nih a theih lai i an thinlung nih a theihthiam lai. Keimah lei ah an hungkir lai i ka dam ter hna lai.”

Add new comment

4 + 12 =