Thlarau Zuamnak

Bible Ca loin Bupi a dir kho lai maw?
3.     Cathiang (Holy Bible) umlo in Bupi a dir kho.  AD 33 kum, Penticost ni ah Khrih Bupi cu Lamkaltu hna nih an dirh i minung (3000) tluk an lut (cf; Lam. 2:1-41). Penticost ni ah Bupi cu min zong a rak ngei rih lo i Cathiang zong a rak um rih lo. Jesuh chuah hlan i `tialmi Biakam Hlun lawng a rak um.  AD 33 kum ah cun Biakam Thar pakhat hmanh an rak `tial rih lo. Biathlam cauk hna cu Johan nih AD 102 ah a rak `tial mi a si. Bupi a hremtu St. Paul zong nih cakuat pakhat hmanh a rak `tial rih lo. St. Paul cu AD 307 kum ah Krihfa ah a lut. Bupi cu Lamkaltu pawl le Thiang Thlarau cawnpiaknak kha an cawnpiak chin hna i Bupi cu AD 400 kum hrawng tiang Cathiang umlo in a rak dir.

Bible a cang chuahning
4.     Thiang Thlarau lam hruainak in Hippo khua meeting ah (37) nak Pope St. Damasus nih Bishop (80) pawl sinah Bupi bia, hla  `tialmi cauk rak i ken ding in bia a cah hna. Pope Damasus nih cun an rak i ken mi cauk pawl cu AD 394 in AD 397 tiang kumthum chung a rel i Thiang Thlarau in a hrilhfiah dih hnu ah a chimdih i Biakam Hlun cauk he cafang pakhat hmanh a hlei lo mi le a baulo mi cauk (27) lawng hi Biakam Thar si ding in a tawlrel. Thiang Thlarau chimmi Bible hrilhfiahnak vialte cu St. Jerome kha a `tialter. Cu St. Jerome Commentary cu Catholic Bupi i kuttlaih cauk a si. AD 407 kum, Carthage khua meeting ah Pope (40) nak St. Innocent I nih cauk (27) cu Biakam Thar siseh tiah Canan Law ah min a khenh i Cathiang cu zapi fonh in cauk (73) ah a cang. Cathiang cu min zong an pek. Cu Cathiang min hna cu:,
(a) Biakam hlun
    (i) Biakam hlun             Uk—45
    (ii) Salm Hlabu             Uk—  1
          Zapi fonh =             Uk—46
 
(b) Biakam thar
    (i) Gospel (Thawng`tha)           Uk–  4
    (ii) Cakuat (Chimh hrinnak)     Uk– 23
          Zapi fonh                             Uk= 27

#Cucaah Biakam Hlun le Biakam Thar zapi fonh ah (73) a si.