Thlarau zuamnak ah a sungtu pawl

Thlarau zuamnak

A sungmi hna
7.
Thlarau zuamnak ah bu `then`thek pawl cu an sung zungzal lai;- 
(a) Biatak a um tilo nak.
(b) Bible ca nih a uk hna.
(c) Jesuh thlahmi an silo ruangah a si.

(A) Biatak a um tilo
8.
    Jesuh Khrih cu Biatak, Lam le Nunnak a si i Jesuh in dah tilo cun a hohmanh vancungram an phan kho lai lo (cf; Jn. 14:6). Biatak asi mi Jesuh nih cun Lamkaltu pawl tuahmi Bupi chungah a Thiang Thlarau in a umpi hna ruangah Khrih Bupi cu Biaktak hramthawknak a si (cf; Mt. 28:20; 1Tim 3:15). Biatak hramthawknak Catholic Bupi an zamtak tikah bu `then`thek chungah cun Jesuh Thlarua a umlo i biatak zong a umlo (Cf; Judas 1:19). Bible ca cu Thlarau mit in an zoh thiam ti lo, minung mit zoh in Cathiang cu an hrilhfiah tikah an palh zungzal i Thlarau zuamnak ah an sung ve.
Jn. 14:6     “Jesuh nih ‘Kei cu Lam, Biatak le Nunnak ka si, Keimah in dah ti lo cun a hohmanh
Mt. 28:20     “Caan a dongh hlan tiang nan sinah ka um zungzal lai” a ti.
1Tim. 3:15    “… zungzal in a nungmi Pathian Bupi a si i biatak  hramthawknak     a si.”
Judas 1:19    “Hi hna pawl cu bu `then`theknak a tuahtu an si i Thlarua an ngei lo.”

(B) Bible ca nih a uk hna
9.  
   Bible ca cu Pathian fimnak in `tialmi a si i, Jesuh a zumlo mi hna, biatak cawnpiaknak ah, cawnpiak sualmi hna alnak caah, an palhmi remhnak ca le dinfel tein nitin nun khawhnak caah rel ding a si (cf; 2Tim. 3:16). Cuticun Thlarau a bawmtu dingah Bible ca cu Pope nih a tuah. Jesuh nih Bupi uktu dingah Bible ca siloin minung a simi St. Peter sinah bia a pek. St. Peter aiawhtu Pope nih cun Thiang Thlarau chimmi kha Canon Law ah min a khenh i Bupi cu a uk. Bu `then`thek pawl cu an uktu ding le tahfung ah Bible ca lawng an hman i an caah cun Bible Cathiang cu aa kalhdih. Bible ca nih an bu cu a uk i Bible ca zulhdih an timh ruangah an hrilhfiah palh mi a si.

An hrilhfiah palhmi Bia hna lakah zohchunh ding ah:-
(a) Phunglam zulhnak lei ah a dingfel ngaimi Judah Khrihfa pawl nih cuarpar tan a herh an ti tikah Zential mi pawl an khing a rit tuk. An kaphnih in i rualrem khawhnak dingah sathi nan ei lai lo  (cf; Lam. 15:22-34) timi cu “Lawlawse hmanawk Canon Law” a si timi a thei lomi pawl nih cun sathi nan ei lai lo tiah an hrilhfiah sual i, thlacam bu in cun zeithil poah  ei ah a thiang ko (cf; 1Tim. 4:1-5)  timi catlang he aa kalh ve hawi timi zong an thei ti lo.

Cathiang cu aa kalhmi pakhat hmanh a umlo. Lawlawse hmanding Canon Law hna lakah an hrilhfiah thiamlo mi le an hrialhfiah sual mi bia hna cu Nu pi, Va ngeihnak bia (cf; 1Kor. 7:12;25) le Tlangbawi (Pastor) pawl nupi an rak ngei bal timi bia hna an si (cf; 1Tim. 3:2,12 ; Titu. 1:6).
2Tim. 3:16    “Cathiang vialte hi Pathian fialnak in `tialmi an si i biaktak cawnpiaknak le cawnpiak palhsualnak ah le palh mi remhnak ah dinfel tein nitin nunnak caah rel awk a si.”
Lam. 15:22-34“… nan u nau a simi kannih Lamkaltu pawl le upa pawlnih     ... Zential unau pawl sinah ... ca kan in kuat hna. Hi kan Bupi chungin  nan sinah a rak phanmi cheukhat nih an biakaa in harnak an in pek hna i an in buaiter hna tiah kan theih... Judas le Cilas kan hun thlah hna... Hi cakuat chung i kan `tialmi hi an in chih   1Chan. 7:12,2    “A dang pawl sinah Bawipa bia pekmi siloin keimah nih ka chim duhmi cu... nupi, va a ngei rihlo mi hna caah Bawipa bia pek mi ka ngei lo, a sinain Bawipa zangfahnak thawngin ka ruahnak kan chimhmi hna hi rinhchanh a tlak ko tiin ka ruah.”
1Tim. 3:2    “Tlangbawi hruaitu cu ... nupi pakhat lawng a ngei mi a si lai.”
Titus 1:6    “Tlangbawi hruaitu cu nupi pakhat lawng ngeimi siseh, a fa le pawl cu zumtu si hna sehlaw puarthounak le bia ngaihlonak lei in thangchiat mi si hna hlah seh.”
 

Note;
1. [ Tlangbawi = Priest ( Douay version ah zoh) Laiholh cun Puithiam, Siangbawi, Pastor kan ti ].
2. Tlangbawi hruaitu = Bishop ( Douay version ah zoh) Laiholh in Bishop pa (or) Sayadaw kan ti ].

(b) Thiang Thlarau chimhmi cu Bupi chungah a tlingdih nain Bible ca chungah cun a tlinlo caah bu `trhen`thek pawl nih an hrilhfiah thiamlo mi bia tampi Cathiang chungah a um. 

Zohchih dingah;
-Jesuh a thih hnu nithum chungah a Thlarau cu thonginn chungah a kalnak bia (cf; 1Pet 3:18-19). 
-Lamkaltu hna chan in an rak lakmi mithi pawl aiawh in tipilnak  (cf; 1Kor 15:29-30). 
-Judas Iskariot thih ning phunhnih an `tialnak bia (cf; Mt 25:7; Lam. 1:18) le  bia dang tampi a um rih 
1Pet 3:18-19     “Zeicaah tiah cun Khrih cu... nanmah kha Pathian sinah  hruaiding ah pumsa thihnak a tuar, asinain ... Thlarua in a nun `than caah Thlarua thongtla     pawl sinah a kal i thawng`tha a chim.”
1Cor 15:29-30    Cun a thimi pawl aiawh in tipilnak a ing mi pawl hi zeitindah an si lai, an i timh mi zeidah a si?... mithi pawl thawhter an silo ahcun zeicaahdah hi hna pawl nih hin mithi pawl aiawh in tipilnak an in? 
Mt 27:5     “Judas nih tangka sawmthum cu Biakinn chungah a hlawnh tak i a chuak. A va kal i aa awk i a thi.”
Lam. 1:18     “Judas nih thil`tha lo a tuahmi man he  a hmuh mi tangka in lo pakhat a cawk i cu lo chungah cun aa awk i a thi, a pum a kuai i a ril an  pawt dih.”

Add new comment

12 + 1 =