Tuufa Zaanriah

Bishop Felix, Chaungkhuah ah

ZUMHNAK PHUNG NGAIH AWKAH A HERH MI

Pathian biak chung phungbia nih zarhpi ni fate, sermon (biachimnak le) zumhnak phung a chuahter. Sermon ah cun, tlangbawi le Khrihfa upa nih Pathian thawchuah hnawh mi bia kha an kan chimh. Sermon zong cu Bible cachung ah lak mi a si, a fiang lomi zong kha an vun ceuter i nun sawhsawhnak ca i tuah le hman ding mi kha an vun langhter. Sermon nih cun a kan conglawm lo. Jesuh nih toidornak he a rat bantukin, a thaw lo mi changreu ah aa cang, cu a si caah Thiang Thlarau nih a caancaan ah thlen lo in rian a `tuan, amah zong a vervar lomi cawnpiaktu ah a tla.

Mah sermon hnu ahcun, Nicene phung kha heh tiah kan chim, mah hi cu zumhnak catlang tlawm pal ah vun chuahter mi kha a si. Zumhnak phung cu a fiangmi a si, diamond lung an khuai mi a fiang mi bantuk a si. Gloria i thlacamnak he khan aa lo. Nicene Pathian biaknak phung cu dai tein a um, asinain a ningcang cu, mi hlen hman dawh khi a si. A hnubik, Dorothy Sayers zong nih hi tin a ti, zumh mi thil cawnpiaknak ah drama (zoh i hmuh mi thil) cu a um. Hika ahhin Khrihfa mi hna zumhnak phung doctrine cu a um, Rome Pennak lio ah Khrihfa mi nih hi zumhnak phung an chim ruangah thongtlaknak le thihnak kha a rak um. Kumzabu palinak ahcun, a peng pumpi ah ramchung ah ‘civil war’ ral a rak tho dengmang, cu zong cu Jesuh doctrine le Apa he pakhat an si nak ruangah khan a si. A thar in a ping in kalpi mi zumhnak kha a chuak i Khrihfa bu kip ah cancer bantukin a karh, kha nih khan minung pum nunnak kha a tlirh khonh. Hi nih hin Nicaea Council ah (325 A.D) le Constantinople ah 381 A.D ah hi kong hi an chuah pi, hi ruangah a `habik mi ruahnak le thinlung kha Khrihfa bu tuanbia ah a chuahter. Catholic zumhnak hrampi pek awk ah hi sining an tuah mi cu, biaknak zumhnak phung an tuah mi cu a fawi mi hman khawh mi kha a si. Kumzabu pathumnak thok khan rak thok dawh an si. Cu Council an limhnu ah, Nichuahlei Khrihfa bu tampi nih mi felmi biaknak phung hla in a sa kho mi kha zarh fa te an herh. Chimnak lawng siloin mah hi cu thawng`tha hrimhrim a si, nunnak khamh khotu thawng zong a si fawn.

Cardinal Joseph Ratzinger nih Gospel (Thawng`tha) le Biaknak phung an i pehtlaih ning kha tawi fiang in a chim ve. “Dogma (zumh mi phung cawnpiak mi) cu kan fianter ahcun zeidang kong siloin Bible ca a sullam fianternak kha a si ko. HI thil cu zumhnak in a chuak mi kumzabu tampi liam hnu ah khan a si. Zumhnak phung cu “Kan Pale hna i zumhnak) kha a si,” cucu a nung`theu ko rih. Cu bantuk `thiam`thiam in, International Theological Commission hna nih 1989 ah ca kha an chuah “Zumhnak phung an leh mi nih hi tin a ti”. Khrihfa bu i zumhnak phung i thlacamnak cu Bible ca an leh i an fianter mi kha a si ko. Hnu deuh can zongah hi pungsan an fehter mi cu, Thiang Thlarau bawmhnak thawngin thlen khawh a si ti lo i mah hi Bible ca rel ning tawhfung cu a si cang. Zarhpi ni zumhnak phung zoh loin kan chim tikah, hi hlang ko in kan cohlan mi Bible in zumhnak kha a si i kan i tinh mi biatak kha a si. Thlacam ning phung chungah drama piah mi bantukin kan lut ve, hi zawn ah hin pei hlan kan pipu hna nih thih an rak ngamh cu.

Hi hna hi kan pehtlaih hna, zumhtlak a si mi hna i thlacamnak le zaangfah nawlnak kha kan chim tikah. Hi phung nih hin mithiang mi hna nawlpiaknak rian ah khan a kan luhter. Hi zawn ahhin, Pathian biaknak phung Bia hna kha an dih, i a thuk i hngalh a har mi changreu le mitsur zu dinnak chungah khan kan lut.
 

Add new comment

1 + 7 =