Tuufa Zaanriah

“I, JOHN”
    Biathlam cauk a `tialtu pa John ti mi ahhin i elnak tampi a um. Hitin bia alnak le `tem`tawnnak a um nain, Missa raithawinak kong le Apocalypse kong kan cawnnak ah cun hi thil cu thil hmete a si. Zei a va si zongah thil pakhat kong cu a fiang ko. Hi ca`tial mi nih hin, Jesuh kha a pehtlaih (Biathlam 1:4,9, 22:8). Cun Bible cathar i John (tuan deuh Khrihfa bu i an Siangbawi hna) le John te hna kha an si.
    A ngaite cauk hnanih a langhter mi ah, ca`tialtu kha an hngalh khawh lo zongah kha Sianginn ruahnak `thiam`thiam in thil cu a kal ko. Biathlam le Thawng`tha palinak hna nih hin Pathian kong tampi kha an chuah pi. Cauk pahnih nih an langhter mi cu Jerusalem Biakinn i a fiangmi thiamfimnak le Pathian biak ningkha a si; an pahnih in an lak cangmi cu Jesuh kha “Tuufa” ah chiah a si, a thar mi Lanhtak puai i raithawinak kha a si (John 1:29, 36: Biathlam 5:6). Cu lengah John Thawng`tha le Apocalypse hna nih biafang an chuahpi mi kha a um, Bible cathar chungah a ummi bia a si i, anmah ca lawnglawng ah khuaruahhar a si. Bianabia ah, Thawng`tha palinak le Apocalypse hna nih Jesuh kha an langhter, zeicahtiah “Pathian Bia ah a um” (John 1:1, Biathlam 19:13). Hi cauk pahnih hna nih a sawh mi cu Biakam thar Pathian biaknak “Thlarau in” timi kha a si. (John 4:23, Biathlam 1:10). Cu lawng siloin, hi cauk pahnih hna nih khamhnak kong bia ah “nunnak ti kong” kha a chim (John 4:13, Biathlam 21:6). Cun a dang hna zong artlang in tampi an um.
    Atu tiang zongah, fianter mi John a si ti nak ah khan Lamkaltu John zong kha zeicahtiah hmuhnak kaupi an geih mi cu Biathlam hmuh mi `thawnnak ah khan a hung lut. Thawng`tha chungah, bianabia ah John cu “Jesuh Dawtmi zultu pakhat in a hung lang (John 13:23, 21:20,24) Jesuh caan chungah cun John cu Jesuh he naih niam tein a um mi kha a si, a zultu amah thinlung ah a chiah cemmi kha a si. John nih hmanungbik zanriah ei ah khan ‘Jesuh’ `tang kha aa hngatchan. Asinain Apolypse chungah cun, Jesuh kha a `hawnnak le a sunparnak he a hmuh tikah cun, le hi vawilei pumpi uktu le Siangpahrang in a hmuh tikah John cu a tlu (Biathlam 1:17). Mah hi kanmah caah a biapi taktak mi a si, nihin ah ahonih dah “dawt mi zultu” si cu a duh. Jesuh he i pehtlaihnak karh deuh seh ti kau i zuam lio ah, Jesuh cu ahodah a si tiah kan hngalh khawh hlantiang le amah cu thiannak vialte a lonh dihtu a si a ti mi kha, fakpiin kan hngalh a herh.
    John theih fiannak cu a herh ngai mi a si i Biathlam he i pehtlai in Vawlei kong zong kha a um. Tuanbia nih cun “Lamkaltu John” cu Efesa khua ah Bishop a `uan mi a si, tiah a ti, hihi cu Biathlam chung i Khrihfa bu pasarih lak i pakhat kha a si ve. Khrihfa bu hna cu khuapi in an langhter hna, hi pasarih hna hi meng sawmnga chung Asia Minor chung i a ummi hna an si, hi hna nih hin John nawlngeihnak kong kha an i cinken. Kan hmuh mi ah, zeicahdah John nih hin, Bishop a si bu in, cakuat an fial hnga, a bikin Khrihfa bu pasarih sin cakuat kha (Biathlam 2:3).