Zatlang nunphung cawnpiaknak

(7). MINUNG I AATLUKMI TINVO

            Catholic zatlang nunphung cawnpiaknak ah “Aatlukmi nawlngeihnak” timi cu minung dihlak i khatdih ding “aatlukmi” tuahnak asi. Minung pakhat cio ah, aakhat lomi tinvo, ṭhanchonak asi. Minung pakhat cio ah, aakhat lomi tinvo ṭhanchonak, rumnak, thluakṭhatnak hna kha lamkip in aadang cio tein an chohlan cio lai. Asinain, “i tluknak” tiin a cawnpiak lio ahhin nu le pa nih an ngeihmi aatlukmi huham kha hrambunh mi asi. Cucu minung hna i “Ahram afek i aatlukmi upadi” an ti.

            Tinvo timi cu aatlukmi minung huham ah hram a bunh. Hmasa kan langhter cang bantukin minung huham timi cu vanrang tawi ah a sangbik, a sunglawibik mi ah a dir. Cucaah aatlukmi huham a ngeimi kip nih (mirum sifak thleidanlo. a niamsang theidanlo, miphun thleidanlo, nulepa thleidanlo) aatlukmi tinvo an ngeihdih lai.

            Minung ah aatlukmi tinvo hna kha a tanglei bantukin nan theihawk asi.  Biaknak lei kapin...

(1). Pathian muisam he aalo in sermi minung dihlak hi Pathian fale kan si i aatlukmi huham le tinvo kan ngei dih.

(2). Bawipa Jesuh cu mivialte khamhawk ah thihnak a ing i kokek lonh aatlukmi huham le tinvo kha a kan pek tak.

(3). Mikip cu aakhatmi pum, thi le sa, eiawk rawl, aakhatmi hrinnak, zawtfahnak, thihnak, rawhralnak, aakhatmi thlarau le aakhatmi Pathian nih sernak hna an si.

            Cucaah mivialte cu aakhatmi huham kha kan ngeicio i aakhat i ahram asimi minung tinvo hna le ṭuanvo hna zong a kan coter dih.

8. ZATLANG NUNPHUNG AH AAKHATMI NAWLNGEIHNAK

            Mikip ahhin chungkhar he pehlaiin aakhatmi nawlngeihnak, zatlang nunphung he pehtlaimi nawlngeihnak, ṭhanchonak he pehtlaimi nawlngeihnak kan ngei dih.

(a). Chungkhar he pehtlaimi nawlngeihnak (vanṭhatnak);

            Zalongtein i thim i chungkhar serkhawhnak, innlo ngeihkhawhnak nawl, fanu fapa hrinnak nawl, ngakchia kha zalongtein fimnak cawnpiaknak nawl,

(b). Chungkhar le fale nunnak a zaceo siding ah rian ṭuankhawhnak nawl,

(c). Chungkhar nunnak vawlei humhim dingah aakhat tein zohkhenh kilvennak nawl a umlai.

(9). Upadi hmai ah aakhatmi nawlngeihnak

            Minung pakhat cio cu aakhatmi huham a ngeimi asi bangin upadi hmai ah an i khatcio lai. Upadi nih mikip huham, nawlngeihnak, zalonnak le ahmaanmi kha a dirhkamh lai.

(10). Aakhatmi ṭhanchonak nawlngeihnak

(a). Mikip nih rianṭuankhawhnak nawl; an ṭuan duhmi rian kha ṭuankhawhnak nawl le an duhmi pawcawmnak rian hna kha i thim in ṭuankhawhnak nawl a ngei lai.

(b). Nihlawh kha tlingtein hmuhnak nawl; chungkhar nuamte le huham ngeiin nunkhuasak khawhnak caah nawlngeihnak a umlai.

(c). Mah pumpak thilri hna kha ngeihnak nawl an ngeidih lai.

(d). Ram pumpi rumnak ah aakhattein covenak nawl le

(e).  Ṭhanchonak rian he zalongtein i fonh in tuahnak nawl a ngei lai.