Biaknak le zumhnak in chuahpi mi fianternak hna

BIAKNAK LEI ZUMHNAK IN CHUAHPI MI FIANTERNAK HNA

63. Kokek pawngkam he pehtlaimi harnak le hi thil umtu ningcang a chuahter mi hnahnawh i a konglam tampi kha an kawl hnuah mah thil caah tlangtlak fianter dingmi aphi kha hmuhnak pakhatte lawng in a chuak lailo tikha theihfiang ahau.

            Miphun tampi i a rummi nunphung phuntling, annih hna i zuksuai mi zuk le biazai, an thinlungput muru hna, biaknak lei an cohlan ning hna zong kha upat piak ding an si.

            Kannih cu minung ruangah a rawkmi kokek pawngkam kha serṭ hannak caah thil ti kho mi kokek pawngkam fimthiamnak kha ser awkah kan duh taktak asiahcun science fimnak pawl le biaknak lei cawnpiaknak le biaknak lei hmangmi biafang hna telh in zeibantuk fimthiamnak hmanh kha hlonh khawh asilo.

            Catholic Bupi cu philosophy khuaruahnak lei fimthiamnak hna he pehlaih in cawnnak ah zumhnak le tuaktan khuaruah thiamnak he pehtlai mi fonh in cawnmi ca hna a rak chuak.

            Bupi i zatlang nunphung he pehtlai mi cawnpiaknak cu, zatlang nunphung he pehtlai mi konglam kongkau hna caah fonh i rian an ṭuannak in, a chuakmi ca hna an si. Cu cawnpiaknak hna cu a tlindeuh chinchin nak ding ah zuamcawhnak he zong hmaitonh in aphi kan kawl cio ding asi.

64. Cuhleiah cathluan cu hi piahtana hna in luatnak caah ninglam kawl ding, mikip he biaruah khuakhang i aphi kawlnak kha don asi tikah, biaknak lei he pehtlaimi kha fektein zumhnak cu Khrihfa hna le Pathian a zumh i a bochanh mi hna caah kokek pawngkam le khonden a fawimi unau ṭafar hna i ṭhathnemnak kha ralring tein kham zohkhenhnak caah thazaang a pemi thil tampi a um kha langhter ka duh.

            Nun ningcang aakhat mi minung kan sinak kong hmuhsak khuaruahnak menmen in mi hna kha mah le umnak vawlei pumpi i pawngkam thil umtuning kha zohkhenh kilven ding a herhnak kha hitlukin thazaang a pek asiahcun Khrihfa hna ca zong Pathian sermi thilnung saram hna cungah kokek phungning cungah le sertu cungah mah nih chiah hnga dingmi ṭuanvo nganpi a um kha theihfiannak cu Khrihfa hna zumhnak cheuchum asi.

            Zumtu hna cu mah zumhmi theihfiannak in kokek pawngkam zohkhenh kilvennak caah dingtein ṭuanding ah fektein theihfiang i rianṭuannak cu mi vialte le vawlei pumpi caah tampi a ṭhathnem.