Eihmuar Nawhthuh Peknak Hna

            Cheukhat ram hna ahcun eihmuar nawhthuh peknak hna le ziaza rawhnak kha an doh i, kokek pawngkam rawhralnak kha hmualngei deuh in tlaihkhip khawhnak i zuam in rianttuannak hna caah a zaceo in tthanchonak a ummi kan hmuh.

            Minung hna cu kokek pawngkam zohkhenh khamhnak caah thinphan dailo asinain ral a tammi zuar, cawk le hmannak he pehtlaih mi ziachiatnak hna kha remhthlen zuamnak ah teinak a hmumi kan hmu rih lo nain zordeuhnak nakin a tamdeuh chinchin kha kan hmuh. Sawhsawhte tahchunhnak pakhat kan langhter ahcun thli kihternak seh hmannak a rak tamdeuhnak hi asi. (Thli kihternak seh i hmanmi datkhu hna cu vancung i Ozone thap kha a rawhter).

            Thlikihternak seh an zuarnak in a miak tampi an hmuhmi thli kihternak seh chawleh chawhrawlnak chawdawr ah thapek thil cawtu an tamdeuhnak dingah lemsoinak a ngeimi fakthanh hna in chawleh thalnak an tuah. Mah thlankhor kha mahnih cawh bantukin a tuahmi minung hna i nunning ziaza kha vawlei pumpi lenglei in (a dang vawlei i minung hna bantuk a simi) mi hna nih an hmuh a si ahcun an khuaruah a har ngai lai.

Caankhatte bakah sipuazi lei mirum hna cu tulio vawlei pumpi nih an hmanlio mi zipuazi ningcang kha ngaihthiam halnak phun in khamhnak biachim in, tthanchonak tthathnemnak a miak lawng kha papek in rian an ttuan i minung huham le pawngkam thurhnawmhnak kongkau telhchih in a dang kongkau hna kha ruahchih duhnak lungthin a ngeilo. Hika zawnah, kokek pawngkam rawhralnak le minung hna i nunning ziaza he pehtlaimi rawhralnak cu hmunkhat tein an um kha kan hmuh.

            Minung khuaruahnak cu a dang papek mi sinah a phanh caah vawlei pumpi cu rikhiahmi tahnak a ngei i, zungzal in a hmunlai lo timi theihhngalhnak cu a thathut cang caah mah nih ttuanmi paoh ah palhnak a umlo tiah a almi hna zong an um kha kan hmuhttheo tawn hna.

            A hnu pehzulhnak ah zulhphung upadi pakhatte lawng a simi chawdawr sipuazi i theipar kha Pathian bantukin a biami hna hmaiah kokek pawngkam kongkau bantuk a simi thazaang a dermi konglam kongkau hna cu khamnak umlo mi thil umtu ningcang lei ah a phan te lai.