Kan kokek Pawngkam

Dinti Harnak

(2) DINTI HARNAK
 

27. Tulio chan thil umtuning ah adang hmuhsak dingmi konglam pakhat cu kokek vawlei chungchuak thilri hna a rocarnak `ihnung ral hi asi. A `thancho mi ram hna le mirum chungkhat hna ah sawksawmnak, thlet hlonhnak hna cu hlan i kan rak ton ballo mi thil umtuning leiah a phak caah, tulio chuahter mi thil hna a hmanglio mi tlawmtam kha pehzulhin an kilven kho lailo timi kha kan dihlakin kan hngalh cio.

Vawleicung i vawlei chungchuak thilri hna kha hmanpalhnak cu cohlan khawhmi tahnak nakin a lonhko nain sifah harsatnak buainak tu cu nihin tiang kan fianter kho rih lo.
    
TI HARNAK PIAHTANA

28. Dinti cu minung le leium saram hna, tichung um saram hna an nunkhawhnak caah a umlo awk a `thalo mi a hermi thil asi ruangah, tithiang tifim hna hmuhkhawhnak cu abiapi ngaimi pakhat asi. Tithiang tifim hna kha ngandamnak, thlairawl einak le sehzung hna ah aherh. Hlanah ti kha a zatceo in hmuh a rak sinain atu ahcun hmun tampi hna ah ti hmuhkhawhnak ah ti hram hna in chuahpiak mi ti tlawmtam  nakin a herhmi hmanawk ti tlawmtam cu palua caah caansau caantawi a hnuzulh thil umtuning hna he kan hmaitonh telai.

Ti a zatceo in phawtzamh peknak ah aador aa hngatchanh mi khualipi, khuapi hna ahcun atu le tu tibantukin ti izat loin hmuhnak hna an ton i ti lei harnak an tonlio caan hna ah ti zaceo in hmuhlonak, mithmai zohnakin a luatlonak he zong tonthiam asi.

Ti a harnak dan kha Africa peng`then ah tambik an ton. Africa peng`then ah mitampi hna ca i vanchiatnak umlo mi tithiang tifim a hrampi an banh khawhlonak asi i, cinthlak rian`tuannak a khonden mi khuakhen tuarhnak kha atu le atu an ing. Ram cheukhat hna ahcun ti a tamnak hmun a um bantukin ti harnak dan a ingmi hmun le ram hna zong hmuhkhawh asi.

Add new comment

5 + 4 =