Kokek Pawngkam

KHUACAAN A LINHNAK I PENNAK

26. Tangka leiah a rummi hna le `hanchonak sipuazi ramkhel lei hna ah nawlngeitu tamdeuh cu harnak piahtana kha an i hmuhter loin piahtana i a fiangmi hmelchunhnak hna zong kha an thup, khuacaan aa thlennak ruangah a chuakmi `hathnem lonak hna zong kha tlawmpalte lawng asi ko tiin chim phuan an i zuam hna.

Kannih cu atulio bantuk hin thilri chuahternak, hmannak hna kha pehzulh in kan tuah rih ko asiahcun a chiahru chinchin mi `thathnem lonak hna he kan i tong rih te lai timi kha atulio kan tonmi zawtnak hmenlchunhnak hna nih a langhter ko.

Aralai mi kum tlawmpal ah carbon dioxide datkhu le adang pawngkam a thurhnawm termi datkhu hna chuahternak kha  zorternak ding, voikhatte lawng hmanmi kanghthil (datsi tbk) ai in adang hman`han khawh asimi thazaang hna kha airawlh in hmannak tiin upadi thar hna serding biapi ngaiin a herh cang.

Vawleicung huap tahnak in kan chim ahcun thli thurhnawmnak a chuahnak kha thianter in hman`han khawh asimi thazaang hna hmannak cu a tamtuk hringhran.

Thilri hna chiahnak caah a zatceo mi ningcang fimnak le ningcang upadi hna a herh. Ram cheukhat hna ahcun hi kongah a zaceo tein `thanchonak hna kha kan hmuhkhawh ko nain chimtlak khan kan hmu kho rih lo.

Thilri chuahternak le tlunkal thilphawrh kuatnak dal hna ah thazaang tlawmte lawng hmang i, thilhran tlawmte lawng hman a herh dingmi ningcang hna hmuhkhawhnak caah hrambunh mi hna kha kan hmuh. Sak rian`tuannak le sakcia mi inn hna athar remh `tamhmawih `thannak ningcang hna zongah thazaang aa dengdeuhnak ding caah fakpi izuam in rian an `uancio. Asinain hibantukin remhduhnak in tuahmi rian`tuannak hna cu kaupiin rian an `tuanmi a um rih lo.