Mirum le Sifak Milu Thleidannak (a peh)

Kokek Pawngkam

     A rummi ram hna cu tangka cawihnak in sifakmi ram hna cungah nawlngeih in, tlaihkhip khawh an i zuam. Asinain pawngkam thurhnawmhnak leiba he pehtlaih in cuticun a silo. A rummi ram hna cu an ram rum chinchin awk caah vawlei chungchuak thilri hna le thingkung saram phun a karhmi a tthangcho liomi ram hna i tuchan mi hna an hmailei caan kha an fahter i, annih ca lawngah a miak an lak. Vawlei thlanglei i sifak mi ram hna ahcun vawlei chungchuak thilri a tam i kokek pawngkam thurhnawmhnak in a thiang. Asinain vawlei chungchuak thilri hna ngeihnak, abiapi in mi nih hmanmi thilri hna hmuhkhawhnak kha ningcang le sipuazi le ngeihnak phungphai hna nih a khap.

    A tthangcho mi ram hna cu hmuhtthan khawh ti lomi thazaang hmannak kha fianghlang tein zorternak, sifakmi ram hna caah mah le mah tein tlangtlak khawh dingmi tthanchonak le phungphai hna ser dingin bawmhchanhnak hna kha tuahpiaknak in leiba hna kha chamtthan awk an si. Sifakmi ram hna ahcun pawngkam thurhnawmhnak zorter dingah a dotdot in rianttuan hnga dingmi ningcang fimnak hna an thiamlonak, a dihheu mi phaisa an tikhawh lonak hna ruangah phungphai nincang hna serchuah in rianttuan awk an sikho hna lo.

     Khuacaan aa thlennak caah ttuanvo ngeitu a dotdot tthenpiak le rikhiahpiak an herhnak kong pehzulh in ralrin a hau. Thlitu a thurhnawmhnak le khuacaan aa thlennak hna kong ton in khuakhannak ah mirum hna le nawlngeitu hna lei tthathnemnak lawng kha papek in an ceihkhan mi kan hmuh caah, sifakmi hna, thazaang a dermi hna le khonden fawimi hna i herhhau mi kha tthaten zohpiak a herhnak kong cu America ram in Catholic Bishop pawl nih ruahnak an rak chuahpi. Minung vialte hi pakhatte lawng a simi innchungkhar chungtel kan sinak kong theihfiannak kha thazaang chappiak an herh.

     Vawleicung nih a tonlio mi harnak piahtana hna caah keimah he pehtlaihnak zeihmanh a umlo tiah zeitin hmanh in chimkhawh awk a silo. Kannih kan i thuhkhawhnak hmun a simi zatlang nunphung he pehtlaimi, ramkhel lei he pehtlaimi, thlakrawh hauhruang hna le karlak i dornak riahbuk zong an umlo.       

Add new comment

6 + 0 =