Nunnak Ngei Hna Cimitnak

(3)NUNNAK NGEI HNA CIMIT THIHTIANG `TIHNUNNAK
32.    Vawleicung i vawlei chungchuak thil vialte zong caantawi timhtuahnak hna in annih caantawnte ca lawngah `thathnemnak a kawlmi hna, sipuazi, chawlet chawhrolnak, thilri chuahter rian`tuannak, rian ngeitu hna cu tlaikhiptu ngeihlo anmah lungduh ningin sawksam in an hrawkcio hna.

Tupi hna a rawh a lohtlaunak cu hmailei chan minung hna caah tisih annhnah, eiawk rawl hna le sii-ai caah hmankhawh mi kung hna, adang hmanawk thilri caah a herhmi thingkung phun hna kha a sunghter. Thingkung phunphun hna cu minung herhbaunak hna kha betpiak ding, hmailei caan caah bochanh hnga dingmi thil umtuning kha an ngei i  cu dirhmun ahcun an um.

33.    Thingkung a phunphun, nunnak ngei saram phunphun hna kha anmah pumpak ca `thatnak lawnglawng caah amiak hmuhnak menmen ah zohawk asilo, nunnak ngei saram kip ahhin annih he pehtlaimi `thathnemnak peknak man an ngeihnak hna kha kan hmuh asi.

Kum fate tibantukin thongtampi asimi thingkung phuntlai hna le saram phuntlai hna an phun a lohtlau i vawleipi cungah an thih an rawk an tlaucio caah kha hna kha kannih nih kan theihkhawh hna lai lo i, fale zong nih an hmuhbal ve hna lailo. Saram a tambik an phun a lohtlaunak ruangah biapibik bia          ngeitu cu minung hi kan si.

Kannih minung hna kutin saram phunhram hna a za a thong hna cu annih an hmunnak ruangah Pathian `thawnnak huham thang`thatnak ngeih kho loin annih thawngin Pathian nih kannih kha pek a kan duhpiak mi nunnak icawnawk hna zong kha kan hmuhkho ti lailo. Hibantukin tuahding ah zei bantuk nawlngeihnak hmanh kan ngeikho lo. 

34.    Kannih kan hmuhkhawh mi vawlei ramsa hna le vate hna an lohtlaunak kong kan hngalh ahcun lung hnahnawhnak kan ngei men lai.

Kokek pawngkam ningkeel in rian a `tuankhawhnak caah  paa hna, rili ngapuan hna, cangcel hna, rungrul hna, valei i a lawnmi saram hna le relcawklo a hme pacik mi rungrulte hna tiah saram hna an hmunnak ding kha a herhmi asi.

Hmuh awk a harmi saram phun cheukhat hna kha tamdeuh in kan hmuh khawh hna lo nain, annih cu peng le hmun pakhat i kokek pawngkam a ningcangnak caah abiapi mi dal ah telin a cawlcanghmi an si.

Kokek pawngkam cu thinphang tihmat ah a ra phanh ahcun minung leikap nih pakhatkkhat tlangtlak rian`uan piaknak kha an tuahpiak cio hna. Asinain tuchan caan ah kokek thazaang cungah tlangtlak rian`tuannak hna kha atu le atu tibantukin an `tuanmi kha kan hmuh hna. A hnu pehzulhnak in a chiahru chinchin mi piahtana (harnak) hna ahcun chuak i, minung nih tlangtlakin rian`tuannak kha tamdeuh kan hmuh i, cuhna ruangah a chuakding mi `tihnung ral kha ipekchanh awk asi te lai.

Atu le atu tibantukin harnak piahtana pakhat fianter awk caah minung nih tlangtlak rian`tuannak ruangah thil umtu ningcang a chiat chinchinnak kha kan hmuh i a pehin iheernak hna zong kan hmuh. Bianaah kan chim ahcun rungrul thahnak sii hna cu cinthlaknak caah san a tlaih ko nain vaphun tampi hna le kan hawi asimi rungrul tampi hna kha phun a lohtlau ter. Cu saram hna an thih an rawhnak ruangah cuhna rian`tuannak phundang asimi ningcang lam hna he ai rawlh in hman asi tikah cu tuahningcang  `tihnung hna cu `tihnung ral he a luatlo mi kha kan hmuh`than hoi.

Minung ruangah a ra chuakmi harnak hna caah a phi kawl dingin aa zuam a `tuanlio mi science thiamsang hna engineer hna izuam in rian`tuannak kha thang`that lunglawmhnak bia kan chimh hna awk kan si.

Vawlei pumpi i thil umtuning kha buaktlak tein khua kan ruat tuah ahcun tamdeuh cu minung hna nih tlangtlak rian`tuan tahnak cu `thanchonak rian`tuantu hna le thilcaw a hmangtu hna i `thathnemnak ca lawng asi i, thil tuahthiam fimnak he pehtlaimi `thanchonak hna le thilthar chuahternak thazaang a `thanchonak kha kan hmuh ko nain valei pumpi i vawlei chungchuak thilri hna kha a rocar ter i aa dawhnak hna kha a hrawhter.

Kannih kan ruahdanhnak ah ai rawlh khawh asilo i, ai rawlh`han khawh asi tilo mi kokek aa dawhnak hna kha kanmah pumpak nih kan serchuahmi muidawh iangngeihnak he ai rawlh dingin kan i zuamcio bantuk ah a canglai.