Pawngkam Thurhnawmnak

Motor meikhu

 PAWNGKAM THURHNAWMNAK LE KHUACAAN AA THLENNAK
Pawngkam thurhnawmnak, sawksamnak le thletnak tuahtawn keel rian

20. Pawngkam thurhhnawmnak muisam cheukhat cu nifate minung kan nunnak ah kan tonmi asi. Pawngkam thlitu a hnawm caah abikin misifak hna caah ngamdamnak lei hliamnak phunphun kha kaupiin kan hmuhkhawh i, cu ruangah minung nuai tampi kum note in an thihmi kha kan hmuh hna. Tahchunhnak ka chim ahcun rawlchuannak ah siseh ihnakkhaan a lum peknak seh hna ruangah siseh, hmanmi datsi hna in a chuakmi meikhu hna kha tampi dop sualnak ruangah ngandamnak a derthawm ter.

Mikip nih kan ton i dan kan ingtuarmi pawngkam thurhnawmnak chim ahcun tlunkalnak ah hmanmi motor hna le sehzung in a chuakmi meikhu hna, cungthap vawlei `tha tang a zutmi chemical thilri hna, a thurhnawm mi ti hna, chemical non hna, rungrul thahnak si phunphun hna an si.

Sipuazi mirum hna caah `thathnemnak a pemi ningcang fimthiamnak cheukhat kha kokek pawngkam buainak vialte kha fianter kho mi ningcang pakhatte sinakin an rak langhter cio nain ngaite ah cuhna cu harnak buainak hna i khuaruahhar asimi pehtlaihnak kha hmuhlo in harnak pakhat lohtlau dingin fianter mi ningcang cu a caancaan ah adang harnak thar a chuahter mi lawng a tonter.

21. Sehzung hna in an hlonhmi, hlawtmi thilri hna, hmunthur hna, hmun tampi ah kan hmuhmi sivai asiter mi thil hna, nunnak ngeimi saram poh caah `ihning asiter mi thil hna kong zong betchih in ruah awk asi. 

Kumtin tibantukin sehzung hna nih an hlonh mi thilri hi ton nuai tami kha a chahter i cuhna lakah tamdeuh cu thilnung poh caah a `hahnemlo mi an si i sivai tampi aa tel hleiah ral a tammi dat nichawn zong aa tel.

Cuhna cu sehzung, rian`tuannak zung, sipuazi rian`tuannak hna, innsaknak lei rian`tuannak hna, innhlun hna `thehnak hna, sizung sikhaan hna, lektrik lei rian`tuannak hna in hlonhmi thilri hna an si.

Kannih kan umnak vawleipi cu a rauh chinchin, hmunthur ponnganpi he aa lo chinchin asi. Vawlei hmun zakipah hlanlio i aa dawhngai mi khuacuanhnak hmun`tha hna cu atu ah hmunthur ponnak ah an cangdih caah nutung patung pawl cu a nortuk hna.

Sehzung hna in hlonhmi thilri hna, khuapi hna le cinthlaknak lei rian`tuannak ah an hmanmi chemical thilri hna in a chuakmi sivai hna cu an tlawmpah ko nain, hmun-um minung hna an takpum kheuchum hna ah a phak tawn. Atu le atu tibantukin minung ngandamnak kha thlopkhawh asilo mi sining phak tiangin, hlankan khamhnak, timhtuahnak hna kha `tuanvo ngeitu hna nih tuahnak an ngei baklo tiah kan theih.
 

Add new comment

1 + 16 =