Raldohnak le ral Hriamnam

RALDOHNAK LE RAL HRIAMNAM HNA RUANGAH A CHUAKMI RAWHNAK HNA

Vawlei chungchuak thilri cheukhat a dih cikcek ahcun bawmtu bantuk a thiangmi tinhnak hna kha hmuhsak i hrialawk `thalo a chuak hnga ding mi raltuknak hna zon hlankan in ruahdawh khawh asi. Raltuknak hna cu kokek pawngkam kha a zungzal titlukin a khonden a rahter i minung nunphung roco hnga mi thil zong kha a hliamchih. Nuclear raldohnak hna le zawtnak rungrul hna hmangin raldohnak hna cu a zual chinchin lai.

Chemical hriamnam hna, zawtternak hrimnam hna chuahternak kha ramkip hnatlak cahren hna in a kham a khap ko nain hlathlai cekhlatnak khaan hna ahcun kokek cuaithlainak lei kha a thleng kho dingmi hriamnam thar hna chuahternak caah hneksak kha zoh hngallo in an `tuancio.

Ramkhel rian`tuantu hna cu a chuak`than rih ding mi renghnak, i siknak hna kha hlankan hmuhkhawh dingin zuamnak in `tuan i piahtana a chuah kho ding mi a konglam hrampi hna kha hlankan tlangtlak fianter khawh asi.

Sihmanhsehlaw hitin zuamnak in rian`tuan kha nawlngeihnak a nganmi sipuazi amiak mi a ralchanh i ramkhel rian`tuan hna i `thanchonak simanking suainak zong hmailei caan caah hmuhchung khawhnak a bi deuh.

Hi thil umtuning ah an nawlngeihnak hmunter ding lawngah pehzulh in an zohkhenh menmen mi asi i, annih kha piahtana fianternak caah a zizut phawrhpiak dingah biapi ngaiin a herhlio caan ah zeihmanh tuahpiak khawhmi a ngeilotu sinak lawngin hmailei chan mi hna nih annih kha an cinken te hna lai.