Tuchan Thil Umtu Ningcang

DALKHATNAK
KANNIH TLANGHRAWM ASIMI KAN UMNAK HI VAWLEI AHHIN ZEI THIL DAH A CANG?

17. Minung umtuning le vawlei umtuning hna zohin kan ruah tikah minung kan tuanbia ah voikhatte hmanh kan rak tong ballo mi tuchan i thil umtu ningcang hna kha athar in dikthliar kan zohnak cungah hrambunh ahcun biaknak le bible thiamsang hna, khuaruahnak lei thiamsang hna i soisel ruahnak hna cu lungpinnak asi. Cucaah kannih cu zumhnak a pemi fianternak thar hna le kannih vialte he pehtlaih mi vawlei nih a herhnak kong kan chim hlanah kan umnak vawlei i a canglio mi kong he pehtlaihin tlawmpalte ruatcio ding in kan sawm hna.

18. Minung le vawlei pumpi i khua-awng pemnak kha a hliamter mi nihin rianrangte pehzulhin a chuakmi thlennak hna le riantuaitam mi, khulrang ngaiin rian`tuan in a um- a nungmi hna cu pehtlaihnak a ngei.
    Tuaitammi phungningin rian`tuan mi hna caah thlennak hna cu a cheuchum ton hngami thil asinain, saram lei thiamnak he pehtlaimi a nuarngai mi kokek thlennak he khahchunh ahcun a `thangcho mi kan chan ah mi nih kan tonmi thlen `thanchonak cu a rangtuk hringhran kan ti ko lai.
    Cuhleiah atu bantuk riangrangte pehzulhin thlennak i tinhmi kawltung cu mivialte `thathnemnak caah, mi nih ukkhawh mi kakip `thanchonak caah a zungzal in asilem lailo. (`Thathnemnak a pemi a um bantukin `thathnemnak pek awk tlak tiang in a pelo mi zong a um).
    Minung nih thlennak kha an duhcio ko nain, thlennak cheukhat cu vawlei pumpi caah le minung tam-uak i zatlang nun ningcang caah `tihnung ral asi ahcun thinphang deuh asi.

19. Science (teikpan) fimnak a `thanchonak le minung tikhawhnak cungah mitchinh i, ningcanglo piin lunghmuih i kan zumhmi chan hi kan lonh hnuah mining phu hna chung i bu (chungkhat) kheukhat ah ruat in soisel tuaktan hnuah cohlan i hmanmi phung kha rak hmang cio asi.
    Minung hna ahhin kokek pawngkam si ningcang kong, cu si ningcang kha zohkhenh kilven awk a herhnak kong, lungretheih thinphannak hna kha karh chinchin in kan hmuh. Cu lungretheihnak ah kan umnak vawlei pumpi pawngkam i a canglio mi konglam hna caah thinphannak a um bantukin lungtlin lonak a ummi zong kha kan hmuh.
    Kanmah leikap in lung a nuamhter lomi thinphannak leiah a phanmi konglam acheu  kha phertang ah khuhlo in rianrang tein tuak chunnak ruahhnik cio dingah kan sawm hna.
    Hitin kan ruah tikah tinhding mi kawltung cu thawngpang a kong a lam a tam khawh chungin hmuhnak, bia kherhhlai duhnak lungthin kha diahter piaknak caah siloin, nihin vaweicung i a canglio mi a konglam hna kha kanmah pumpak nunnak ah kan tonmi harnak hna bangin thinlung ah a `thawngmi intuarnak in, kan theihfiang hnuah, hi thil sining karhchonak caah kannih pakhat cio nih zeitindah rian kan `tuan ve khawh lai nak kong tuah ningcang kawl in hmuhkhawh awk kha asi.