Vawlei Chungchuak thilri hna

Vawlei chungchuak thilri hna kha mi vialte hrrawmi hman awk thilri ah ruahchannak.

                     Kannih cu khrihfa siseh, Biaknak dang a bia mi si hna seh, Vawlei pumpi cu mi vialte nih kan tthencheu in kan hman ding mi ro thil a si i, Vawlei i a theipar Vawlei chungchuaj thilri hna cu minung dihlak kha bawnah ding in a timh mi a si tiah kan cohlan cio. Khrihfa hna caah hi bantuk cohlannak cu Vawlei pumpi cu mivialte caah Pathian nih a sei mi a si caah Pathian sin dinfelnak kha langhternak a si. 

                     Kokek pawngkam zohkhenh kilvennak caah riantuannak poah ah sifak harsa mi le hnon ni hna i a hram minung tinvo a upat mi zatlang nunphung hmuhsak kha khumhchih a herh. Vawlei chungchuak thilri dihlak cu mi vialte caah a tinh i, mi vialte nih hman khawhnak nawl an ngei ti cawnpiakmi upadi tang ah pumpak ngeihnak chiah cu zatlang nunphung tuah ser ning hna caah sui upadi a si i zattang nunphung le nun ziaza he pehtlaimi chungah a hram a thawhnak a si mi upadi a si. Khrihfa hna tuah tawn ningkeel in vawmpiaknak ah pumpak ngeihnak paoh kha tongh khauh a sibak lo mi aana tling in ngeihnak a si tiah a rak lehkhan lo. Pumpak in ngeihnak paoh ah hin zatlang nunphung timhnak aa telve tiah a cawmpiak. Mithiang Pope John Paul -II nih hi cawnpiaknak kha fektein a rak chimh. Pathian cu Vawlei pumpi kha minung pakhat cio nunnak i umnak caah minung phun vialte caah a pek i, ahohmanh kha a hnon lo, ahohmanh kha hleice tinvo a pe lo. Hi kong kha biapi ah chiah in a rak chim mi bia asi.

                    Pope nih a chimchap mi ah minung rian zatlang nunphung, tthanchonak sipuazi, ramkhel rian le mipi hna nawlngeihnak telh in minung covo kha upat loin thapek dirkamhnak a umlo mi tthanchonak prokarem hna cu minung huham he aa tlak lo. Pope nih a fianternak ah Bupi cu pumpak in ngeihnak cu phungning nih hin covo a si tiah dirkamh in a chim nain, Vawlei chungchuak thilri hna cu Pathian nih minung caah a rak pek lio i chiah tak mi tinhnak kha bet khawhnak caah hman khawh dingin, pumpi in ngeih i thilri hna cu zatlang nunphung kong kau caah pawnmi thilri bantuk a si zong kha zapi nih a cawnpiak. A hnu pehzulh mi ah Pope nih a peh i, Pathian nih Minung dihlak caah laksawng ah a pekmi Vawlei chungchuak thilri hna kha mitlawm deuh tthathnemnak ca lawngah hmannak cu Pathiang timhtuahnak he a ralchanh tiah a chim. Minung chungkhar cheukhat ah an hmanlio mi a dinfel lomi tuah tawn keel hna kha a biapi in biahalnak a um kho.