Lamkaltu Marka

ST. MARK : THAWNG`TH  `TIALTU

(Zabu pakhatnak)

            Thawng`tha bia pahnihnak Marka a rak `tialtu St. Mark cu Maria fapa, Barnabas i chungkhat unau a si. Amah cu St. Peter thawngin Khrihfa a cangmi a si. Jerusalem i a ummi a inn cu Khrihfa hna hremnak an in lioah an rak i pumhnak hmun a si (Lam; 12:12).

            Phungchim a voikhatnak khual a tlawn ahkhan Paul le Barnabas he an kal`ti i Asia Minor i Perake khua ah lam an i `then. Kumtam nawnpi a rau nain Paul cu, cu kong he pehtlaih in Marka cungah a lung a rak tling rih lo. Cucaah vawlei cung ralpi pahnihnak ah Marku i `thithruai ding kha a rak duh lo. Annih cu an lung a rak i khahlo caah kaa dang veve ah an rak kal. Barnabas cu Marka kha a auh i Kaparuh tikulh tilawng in an kal. Paul le Tilah cu Suri khua lei ah an rak kal (Lam; 15:38).

            Cuhnuah, Marka cu ka fapa tiah a rak auhmi Peter nih chung`tuan le holhlettu rian a rak pek (1Peter; 5:13). Marka cu Rome khua ah Peter hawikom in a rak zulh i Rome ah thong an rak thlakmi Paul he an i rem `than.

            Hlanphung tuanbia ningin Marka cu a thawng`thabia kha Rome khua ah a rak `tial tiah kan theih. Marka Thawng`thabia cu Peter chimmi cungah hram bunh in a rak `tialmi a si. Thawng`thabia a `tial hnuah Izipt ram, Alexandria khua ah a kal i thawng`tha a chim hnuah bupi a rak dirh. Cuhnuah a Bawi Jesuh Khrih le zumhnak ruangah an rak tlaih i,  lungtum hna cungah fakpiin an rak hnuhchih i an rak hrem. Cun thongchung a rak umlio ah Khrih kha biathlam in a rak hmuh nakin hnemhnak a rak hmuh. Bawipa Jesuh nih Marka kha a Vancungram ah a rak kalpi. Kum 900 kum ah Marka ruak kha Alexandria khua in Venice khua ah an rak phawrh hnuah amah min in Thluachuah an rak peknak Sui Biakinn ah an rak chiah.