Mithiang Albert the Great

November 15

ST. ALBERT THE GREAT

(1206-1280) Bishop le Bible thiamsang

            Science lei thiamsang hna zohkhenhtu St. Albert cu kum 1206 ah Germany ram Lauigen khua i upat awktlak chungkhar in a chuak. Dominican Zateik phu ah a lut i Kolawkni le Paris khua hna ah ca a rakchimh hna. Khrihfa cawnpiaknak le Christotle cawnpiaknak phung (upadi) hna, i tlakremh `than dingin aa zuam i teinak a rak hmuh. A siangngakchia hmasa cem hna chungah Thomas Aquinas zong pakhat a si ve. St. Thomas cu, “Minung ruahdamhnak cu Pathian biathlam kha a doh kho lo,” timi kha a saya Albert sinin lakmi fimnak asi. Albert cu hmailei chan he pehtlaimi Science fimnak le tuchan he pehtlaih mi Science thiamnak pahnih ningin fimthiamnak a ngeitukmi a si caah “Mi vialte he pehtlaih mi fimthiam Saya” Universal Doctor tiah mi nih theihmi a si. Amah phu uktu le Rotisbon khua i Bishop sinak in rian a `tuan i ca`tial le fimnak cawnpiaknak in a thih lai caan kha a liam ter. Albert cu 1280 kum Cologne khua ah a thi.