Mithiang Anthony Claret

ST. ANTHONY CLARET

Bishop (1807-1870)

            Sualhram ngeilo Nu Mary lungthin thiang fa hna missionary phu (Missionary Sons of Immaculate Heart of Mary) kha rak tuah hmasa tu mithiang St. Anthony Claret cu Spain ram Sallent khua ah, 1807 kum ah a chuak. Siangbawi cannak a hmuh hnu kum 1849 hnuah Anthony Claret cu Spain ram vialte ah a vak i minthangmi rawl-ulh thlacam missionary rian kha a rak `tuan.

            1849 kum ah sualhram ngeilo Nu Mary lungthin thiang fa hna missionary phu kha a rak dirhthawk. An phu i a biapibik mission rian cu ramchung le ramleng mission rian`tuan nak a si. Cuhnu kumkhat a rauh tikah Fr. Anthony cu Santiago de Cubao Bishop ah rian khinh a rak si. Amah cu mission uknak chung i a `thalotuk cangmi dirhmun kha a hmuh caah thlarau lei remhthlennak kha rianrangin a rak `tuan colh. A mission rian kauhnak caah tikulh cungah cun sualhram ngeilo Nu i Sister hna phu (Teaching Sisters of Immaculate Mary) zong kha a rak dirh.

            Kum 1856 ah Spain ram ah an rak auh `than i Siangpahrang nu Isbel II nak i thlarau lei lam hmuhsaktu Siangbawi ah rian khinh a rak si. Cu rian he komh in thawng`tha kha hmunkip ramkip ah karhter dingin Biaknak kipah Biaknak lei santlai mi cauk hna zong a rak chuah. (The Liveria Religiosa of Barcelona) cu ram chung vialte ah thawng`tha karhnak le thar chuahnak (hrintharnak) ah a biapibik mi hmun hma a rak si.

1870 kum, a hnubik a caan hna kha France ram Mon Friar de khua i Chitesian Zateih Sianginn ah a nunnak a liamter. Amah a nunchung vialte ah phungchimnak 10,000 le Biaknak lei he pehtlaimi cauk 200 kha a nam i a rak chuah.