Mithiang Benedict

St. Benedict

July 11

ST. BENEDECT (Zateih)

(480-547)

            Ni tlaklei mi Zateih hna i a lubik a simi mithiang Benedict cu 480 kum Italy ram Norcia khua ah a chuak. An nunzia a rawkmi a hawile hna i an nunnak kha a zoh i a lautuk caah kum 20 a ti ah Subiaku tlang ah a va um. Nikhat cu Satan nih khahlan i amah he a rak i thei bal mi aa dawhngai mi nungak pakhat kha a khuaruahnak ah a cuanter i a lungthin kha zer duhnak mei fakpi in a kanghter. Benedict cu chikhatte ah aa hrukmi a thilpuan kha a phoih i a taksa le a vun kok dih lakin hlinglak ah a ril. Hi bantukin thlarau hma kha a pumsa hma putnak in a damter. Minchiatnak in a thangmi Vigobaro Zateih biakinn upa `uan dingah an rak chimh mi kha a lehkhan. Mahka i a ummi Zateih hna cu a ziaza (sikan) a tlaihnak kha an duh lo caah sivai pek in thahawk ah an i zuam. Asinain mi`ha cu Pathian nih a cawisan hna an ti bantukin vailamtah hmelchunhnak aa tuah karte ahkhan sivai an paih mi mitsur hang hrai cu man cikcek in a kuai dih i, an ni timhnak zong a puang dih.

            A innpa a umnak Flarencetius a min a ngei mi Siangbawi pakhat pa zong nih amah kha a hnahchuah caah hrawh ding ah aa tim ve. Amah kha sivai paih mi changreu (pawngmuh) in thah dingah aa zuam nain a si khawh lo caah a hnu ahcun nu`halo hna hmang in amah i Zateih pawl kha hlenter in hrawh awk aa zuam `han. Cucaah a ra rih hngami hnahnawhnak in hrial awkah kum 530 ah Subiku kha a kaltak i Cassino tlangah Zateih Biakinn thar a tuah. Sui in `amh mi upadi tiah min an sakmi “Thlacam nak le rian” timi upadi ningin nifatin nazi 8 chung thlacam, nazi 8 it, nazi 8 rianhrang `uannak, Biaknak lei carelnak le sifah bawmhnak rian`uannak hna kha an `uan. Gout miphun hna nih Italy an tuk lioah Siangpahrang Tobilah cu a ralbawi pa kha Siangpahrang thuam a hrukter i mithiang Benedict kha thilhmaan a hngalh le hngalh lo a hneksak ter.

            Asinain Benedict nih Siangpahrang deu a si ti kha hmakhatte ah a chim khawh caah Tawbilah nih upatnak a pek. Benedict cu 547 kum ah Brother sinak in a thi i Pope nih Europe a zohkhenh (kilven) tu tiah a thanh. Benedict phu chungin Pope 50, Bishop 7000 le mithiang 4000 hlei an chuak.

Download:Audio icon jn_baptist.mp3

Add new comment

7 + 2 =