Mithiang Briget

 

July, 23

ST. BRIGET (1303-1373)

            Sweden ram zohkhenhtu mithiang nu Briget cu Sweden ram Siangpahrang phun in 1303 kum ah a chuak. Kum 10 a ti ah vision (langhnak) pakhat a hmuh i mah a hmuhnak ahcun Jesuh Vailam cungah an tar kha a hmuh. “Aho nih dik Bawipa kha mah bantukin a tuah” tiah a hal hna tikah “Jesuh nih keimah a ka huatu le kadawtnak a duhlotu hna an si” tiah a ti. Cu ni thawkin Jesuh sifah temhinnak cu amah thlarau caah tawhfung pakhat a rak si. Briget cu chungkhar dirh nakin kum 28 chung nuam tein a um hnu ah fa 8 a ngei. A vapa a thih tikah St. Francis i pathumnak phu (Third order of St. Francis) ah a lut i sifak ngaiin thlacamnak he Pathian lei ah aa zuam.

            A ngakchiat lio tein aa thawk i a rak hmuhmi biathlam hna cu nihin tiangah voi tampi a rak chuak`han i Alvastra i Sister Gyi a si mi Peterolason kha chimh awkah vision a hmuh. Amah a hmuh mi vision hna chungin pakhat ahcun Jesuh nih amah kha Bu chungtel a cheu hna cu sifak mi Biakinn ah an um lawng siloin a hlei in phaisa luhnak an ngeih lo hleiah, a hlei in an hmuh mi te phaisa zong kha sifak mi hna kha an pek hna. Cuti an tuah ko nain anmah cu carel awk cauk hna tu cu an ngei. Mithiang nu Briget cu Palestine ram ah Pathian biak voi khatte a rak kal hlei in, Rome khua lawngah a thih tiang a um i Bupi chungah remhnak tuah a herhmi hna kha tuah awkah tha a pek. Mithiang nu Briget cu nifa tein sual thlah a hal hnu ah nazi sekat in hmaipanh tein a um khomi ah a min a thang. Kum 1303 ah a thi.

Add new comment

6 + 12 =